“Фуқаро авиациясида инқилоб”: ойналарсиз самолёт 2030-йилдан йўловчиларни ташиши мумкин

**"Фуқаро авиациясида инқилоб": ойнасиз самолёт 2030-йилдан йўловчиларни ташийди**

Қўшма Штатларнинг ЖетЗеро компанияси томонидан ишлаб чиқилган ЖетЗеро З4 йўловчи самолёти 2030-йилларнинг бошидан тижорат парвозларини амалга ошириши мумкин. Компания "деразасиз лайнер" ишлаб чиқариш заводини қуриш учун 3 миллиард доллар сармоя жалб қилди.

ЖетЗеро З4 ан'анавий лайнерлардан тубдан фарқ қилади. Унда қанот ва фюзеляж ягона аеродинамик конструксияга бирлаштирилган. Ишлаб чиқувчиларнинг та'кидлашича, бу ечим самолётнинг баландроқ парвоз қилишини та'минлайди. Натижада, ёқилғи сарфи 50 фоизгача камаяди, бу эса авиачипталар нархини пасайтириши мумкин.

Самолёт 250 нафаргача йўловчини сиғдира олади. Бу Аирбус ва Боеинг моделларига деярли тенг кўрсаткич бўлса-да, янги самолётнинг салони анча кенг бўлади. Жумладан, ичкарида тўртта йўлак, алоҳида ўриндиқлар, ҳар бир йўловчи учун шахсий юк жавонлари ҳамда ҳожатхоналар олдида кутиш зоналари ташкил этилиши режалаштирилган.

Лойиҳанинг энг ноодатий жиҳатларидан бири деразаларнинг деярли йўқлигидир. Самолётнинг олд қисмида бир нечта иллюминатор сақланади. Салоннинг қолган қисмида эса ташқи манзарани акс эттирувчи йирик мониторлар ўрнатилади. Шунингдек, йўловчиларни Старлинк сун'ий йўлдош интернети билан та'минлаш кўзда тутилган.

Бироқ мутахассислар лойиҳа бўйича айрим хавотирларни ҳам билдирмоқда. Уларнинг фикрича, қанотларга яқин жойларда ўтирган йўловчилар бурилиш вақтида кучлироқ юкламани ҳис қилиши мумкин. Бундан ташқари, тўртта йўлакдан иборат ноодатий салон фавқулодда вазиятларда эвакуация жараёнини мураккаблаштириши ҳам эҳтимолдан ҳоли эмас.

Тўлиқ ўлчамдаги прототипнинг илк парвози 2027-йил охирида, тижорат эксплуатацияси эса 2030-йиллар бошида бошланиши кутилмоқда. Агар лойиҳа муваффақиятли чиқса, Унитед Аирлинес компанияси 100 та самолёт сотиб олади. Томонлар, шунингдек, яна 100 та самолёт харид қилиш бўйича опсион келишувга эришган.