Газета мақоласидан кейин Юнусобод туманида автотураргоҳ ўрнида маҳалла биноси қуришдан воз кечилди
Юнусободнинг 17-даҳасида автотураргоҳ ўрнида беш қаватли маҳалла биноси қурилмайди. Бу ҳақда туман ҳокими Газета мақоласи эълон қилинганидан кейин ўтказилган учрашувда аҳолига маълум қилди. Фаоллар қарийб ярим йил давомида қурилиш ҳақидаги қарорни суд орқали бекор қилишга уриниб келган эди.
Газета мақоласидан сўнг Юнусобод туманида автотураргоҳ ўрнига маҳалла биноси қуриш режаси бекор қилинди.
4-август куни Газета Юнусобод туманининг 17-даҳасида яшовчилар 2026-йил март ойидан бери Тошкент ҳокимининг ҳовлидаги автотураргоҳ ўрнида беш қаватли маҳалла маркази қуриш ҳақидаги қарори устидан судлашаётгани ҳақида хабар берган эди. Бу иш туманлараро ва шаҳар маъмурий судларида кўриб чиқилган.
5-август куни кечқурун Юнусобод тумани ҳокими Аброрхўжа Саидалиев бощилигидаги делегация ҳудудга ташриф буюрди. Аҳоли билан учрашувда ҳоким қурилиш амалга оширилмаслигини маълум қилди.
23-уйда яшовчи Антонина Мирзаеванинг Газетаъга айтишича, "Ҳоким кўп қаватли бино қурилмаслигини, ер автотураргоҳ учун қолдирилишини айтди".
Юнусобод тумани ҳокимлиги матбуот хизмати баёнотида "Аҳолининг манфаатлари ва уларнинг ҳақли эътирозлари тўлиқ инобатга олинди", дейилади.
Учрашув давомида аҳоли бошқа масалаларни ҳам кўтарди. Бир фуқаро даҳада футбол майдончаси қуришни таклиф қилди. Бошқалар эса автотураргоҳ бўйлаб ҳаракат жадал эканлиги ва бу ерда болалар ва кекса ёшдагилар автомобиллар остида қолгани сабабли сунъий нотекисликлар ўрнатишни сўради. Ҳоким бу таклифлар юзасидан аҳоли билан алоҳида учрашув ўтказиш учун мутахассисларни юборишга ваъда берди.
23-уй уй бошқарувчиси Раъно Абдусатторова ҳам маҳалла қўмитаси кекса ёшдагилар ва ногиронлиги бўлган шахсларга ёрдам кўрсатмаётганини билдирди.
Аҳолининг ревизия шикояти бўйича суд мажлиси 14-августга белгиланган.
Газета вазиятни кузатишда давом этади.
Аввалроқ нашр шунга ўхшаш ҳолатни ёритган эди – Яшнобод туманидаги Чўлпон маҳалласида аҳоли бир йилдан ортиқ вақт давомида футбол майдони ўрнида маҳалла биноси қурилишига қарши судларда муваффақияциз баҳслашган. Газета мақоласи эълон қилингач, туман ҳокими аҳоли билан учрашиб, лойиҳадан воз кечишга ва ободонлаштириш ишларида уларнинг таклифларини инобатга олишга ваъда берган. Орадан икки кун ўтиб, чуқур кўмилган ва қурилиш тўсиғи демонтаж қилинган.
Миробод туманидаги Лолазор маҳалласида эса Президент администрацияси раҳбари Саида Мирзиёева ташрифидан сўнг прокуратура қурувчи компания мансабдор шахсларига нисбатан жиноят иши қўзғатган. Улар болалар ва спорт майдончалари ўрнида қурилиш қилишда ҳужжатларни сохталаштириш ва ваколатларини суиистеъмол қилишда гумон қилинмоқда. Бош прокуратурага шаҳар бўйлаб шунга ўхшаш обьектларни текшириш топширилган.