ФИДЕ рейтинги янгиланди. Синдоров ўз ўрнида, Абдусатторовда пасайиш кузатилди

ФИДЕ рейтинги янгиланди: Синдоров ўз ўрнини сақлаб қолди, Абдусатторовда пасайиш кузатилди

Халқаро шахмат федерацияси (ФИДЕ) 2026-йил июл ойи якунлари бўйича дунёнинг энг кучли шахматчилари рўйхатини янгилади. Ушбу янгиланган рейтингда Ўзбекистондан жами 5 нафар гроссмейстер кучли юзталикдан жой олди.

Рейтингда Магнус Карлсен (2823 очко) ҳали ҳам пешқадамликни давом эттирмоқда. Иккинчи ва учинчи ўринларни АҚШ вакиллари Фабиано Каруана (2792 очко) ҳамда Ҳикару Накамура (2792 очко) эгаллаган.

Ўзбекистонлик шахматчиларнинг натижалари қуйидагича:

Ўзбекистоннинг биринчи рақамли шахматчиси Жавоҳир Синдоров 2777 очко билан Жаҳон рейтингида 4-ўринни банд этган. Ўзбекистоннинг иккинчи рақамли шахматчиси Нодирбек Абдусатторов эса 2762 очко билан ФИДЕ рейтингида 8-поғонадан жой олган.

Кучли 100 таликдан яна уч нафар ўзбекистонлик гроссмейстер ўрин олган:

* Нодирбек Ёқуббоев — 2685 очко (39-ўрин);

* Рустам Қосимжонов — 2665 очко (52-ўрин);

* Шамсиддин Воҳидов — 2655 очко (61-ўрин).

Аёллар ўртасидаги Топ-100 таликда ҳам сезиларли ижобий ўзгаришлар кузатилди. Ўзбекистоннинг биринчи рақамли шахматчиси Афруза Ҳамдамова ўз очколарини 2440 тага етказиб, 26-ўринга кўтарилди. Гулруҳбегим Тоҳиржонова эса 2355 очко билан 82-ўринни банд этди.