Дунёдаги энг чуқур 10 та метро бекати
Метро бекатларининг аксарияти ер юзасидан бир неча қават пастда жойлашган бўлса-да, айрим шаҳарларда платформаларга етиб бориш учун йўловчилар 100 метрдан ортиқ чуқурликка тушишига тўғри келади. Бундай бекатлар географик шароит, мураккаб релеф ва хавфсизлик талаблари туфайли қурилган.
Дунёдаги энг чуқур 10 та метро бекати рейтинги э'лон қилинди.
10-ўринни Санкт-Петербург метросидаги "Площад Ленина" бекати эгаллади. У 1958-йилда ишга туширилган бўлиб, 67 метр чуқурликда жойлашган.
9-ўринда АҚШнинг Портленд шаҳридаги Вашингтон Парк бекати қайд этилди. 79 метр чуқурликдаги бу бекат Шимолий Америкадаги энг чуқур жамоат транспорти бекати ҳисобланади. Бу ерда эскалаторлар ўрнига тезюрар лифтлардан фойдаланилади.
Москва метросидаги "Парк Победй" бекати 84 метр чуқурлик билан 8-ўринни эгаллади. Бу ерда Европадаги энг узун эскалаторлардан бири ўрнатилган бўлиб, унинг узунлиги 126 метрни ташкил этади ва саёҳат вақти тахминан уч дақиқани олади.
Санкт-Петербургдаги "Адмиралтейская" бекати 86 метр чуқурликда жойлашган. Унга етиб бориш учун икки босқичли узун эскалаторлардан фойдаланилади.
Киев метросидаги "Университет" бекати 87 метр чуқурликда бўлиб, ўзининг меъморий безаги билан ажралиб туради. Ҳозирда у бомбапаноҳ сифатида ҳам хизмат қилмоқда.
Хитойнинг Чунсин шаҳридаги Ҳонгтуди бекати 94,47 метр чуқурликда жойлашган. Турли даражаларни боғлаш учун бу ерда 90 дан ортиқ эскалатор ўрнатилган.
Киевдаги машҳур "Золотйе ворота" бекати 96,5 метр чуқурликда бўлиб, Европанинг энг чиройли метро бекатларидан бири сифатида тан олинган. Унинг ички қисми Киев Руси даври услубидаги мозаикалар билан безатилган.
Учинчи ўринни яна Киев метросидаги "Арсеналная" бекати эгаллади. У 105,5 метр чуқурликда жойлашган ва узоқ йиллар давомида дунёдаги энг чуқур метро бекати сифатида эътироф этилган.
Иккинчи ўрин КХДР пойтахти Пхенян метросига тегишли. Бу ерда алоҳида бекат эмас, балки бутун метро тизими ўртача 110 метр чуқурликда қурилган. Метро дастлаб ядровий ва бомбадан ҳимоя қилувчи бошпана сифатида лойиҳалаштирилган.
Рейтингда биринчи ўринни Хитойнинг Чунсин шаҳридаги Ҳонгянсун бекати эгаллади. У ер юзасидан 116 метр чуқурликда жойлашган. Бекат 2022-йилда ишга туширилган бўлиб, 2023-йилда яна бир метро йўналиши уланганидан кейин дунёдаги энг чуқур метро бекатига айланган.
Ҳонгянсун бекатида юқори ва қуйи кириш йўлаклари ўртасидаги баландлик фарқи 141 метрни ташкил этади. Энг юқори кириш қисмидан эскалатор орқали платформага тушиш қарийб саккиз дақиқа вақт олади. Тезюрар лифтлар шунчалик тез ҳаракатланадики, айрим йўловчиларда самолёт қўнаётганидаги каби қулоқ битиши ҳисси пайдо бўлади.
2025-йилда мазкур бекат туннелсозлик соҳасидаги халқаро Прожест оф тҳе Еар мукофотига сазовор бўлган. Бугунги кунда бу ерда 860 поғонали зинапоя бўйлаб вертикал марафон мусобақалари ҳам ўтказилади.