“Барселона” Родри учун “Реал Мадрид” билан курашади

“Барселона” Родри учун “Реал Мадрид” билан рақобатлашади

Испаниянинг “Барселона” футбол клуби Англиянинг “Манчестер Сити” жамоаси ярим ҳимоячиси, “Олтин тўп” соҳиби Родри трансферини амалга ошириш имкониятини кўриб чиқмоқда. Бу ҳақда Тҳе Атҳлетис нашри хабар берди.

Манбанинг маълумотига кўра, Родри “Барселона”нинг ўйин услуби ва жамоага тез мослаша олиши унга маъқул келмоқда. Бунинг сабаби, каталонияликлар сафида унинг Испания терма жамоасидаги саккиз нафар жамоадоши – Жоан Гарсия, Эрик Гарсия, Пау Кубарси, Педри, Гави, Дани Олмо, Ламин Ямал ва Ферран Торрес тўп сурмоқда.

Қайд этилишича, “Барселона” аллақачон Родрининг вакиллари билан эҳтимолий трансфер шартлари юзасидан музокаралар ўтказган. Шунингдек, ярим ҳимоячига Мадриднинг “Реал” клуби ҳам қизиқиш билдирмоқда.

Родрининг “Манчестер Сити” билан амалдаги шартномаси 2026/27-йилги мавсум якунига қадар амал қилади. Манбага кўра, Англия клуби ярим ҳимоячи билан шартномани узайтиришга катта қизиқиш билдирмаяпти.

30 ёшли Родри 2019-йилдан буён “Манчестер Сити” сафида тўп суриб келмоқда. Аввалроқ у Испаниянинг “Атлетико” ва “Вилярреал” клубларида ҳам фаолият олиб борган.

У “Манчестер Сити” билан тўрт карра Англия чемпиони, уч карра Англия Лига Кубоги соҳиби, икки карра Англия Кубоги ва УЕФА Суперкубоги ғолиби бўлган. Шунингдек, бир мартадан УЕФА Чемпионлар Лигаси, Англия Суперкубоги ва клублар ўртасидаги Жаҳон чемпионатида зафар қучган.

Испания терма жамоаси сафида эса Родри 2026-йилги Жаҳон чемпионати, 2024-йилги Европа чемпионати ва 2023-йилги УЕФА Миллатлар лигасида ғолиб чиққан. У 2024-йилда дунёнинг энг яхши футболчисига бериладиган “Олтин тўп” мукофотини қўлга киритган. Шунингдек, 2026-йилги жаҳон чемпионатининг энг яхши футболчиси деб топилиб, турнирнинг “Олтин тўп” совринига сазовор бўлган.