Банклардан паспорциз 500 долларгача нақд валюта олиш тартиби ишга тушди

Банклардан паспорциз 500 долларгача нақд валюта олиш тартиби жорий этилди

Ўзбекистон банкларида 500 АҚШ долларигача бўлган нақд валютани шахсни тасдиқловчи ҳужжациз олиш имконияти яратилди. Ушбу янги тартиб 2026-йил 9-августдан бошлаб амалда.

Илгари банклардан ҳужжациз олиниши мумкин бўлган чет эл валютасининг энг юқори миқдори 100 долларни ташкил этарди. Янги тартибга кўра, бу лимит беш баробарга оширилди.

Адлия вазирлиги май ойида ушбу ташаббусни илгари сурувчи қарорни давлат рўйхатидан ўтказган эди. Унга кўра, янги тартиб уч ойдан сўнг кучга кириши белгиланган эди.

Март ойида Марказий банк ва Бош прокуратура ҳузуридаги Иқтисодий жиноятларга қарши курашиш департаменти қарор лойиҳасини жамоатчилик муҳокамасига қўйган эди. Ҳужжатга мувофиқ, мижозларни идентификация қилиш тартиблари ҳам аниқлаштирилиши кўзда тутилган.

Қарорга асосан, банклар жисмоний шахсларни биометрик паспорт, ИД карта ёки рақамли идентификация орқали текшириши лозим бўлади. Шу билан бирга, пул ўтказмалари ва бошқа молиявий операциялар бўйича маълумотларни янада батафсил қайд этиш талаблари кучайтирилмоқда.

Аввалроқ мурожаатлар бўйича энг салбий кўрсаткичга эга бўлган 10 та банк номи эълон қилинган эди.