Актёр Сем Нил вафот этди.
Ушбу янги зеландиялик актёр «Буюк Мерлин», «Юра даври парки» ва «Ўткир виқорлилар» каби филмлар орқали машҳурликка эришганди..
Актёр Сем Нил вафот этди. Янги зеландиялик актёр «Буюк Мерлин», «Юра даври парки» ва «Ўткир виқорлилар» каби филмлар орқали машҳурликка эришган.
Сем Нил 78 ёшида вафот этди. Унинг оиласи актёрнинг Сиднейдаги клиникалардан бирида, оила аъзолари ва яқинлари билан бирга кўз юмганини маълум қилди. 2022 йилда унга онкологик касаллик ташхиси қўйилган эди, 2026 йил апрел ойида эса у бу касалликни муваффақиятли енгиб ўтганини хабар қилганди.
Австралия бош вазири Энтони Албаниз ҳам актёрнинг ўлими муносабати билан ҳамдардлик билдирди. «Сем касалликка қарши ҳар бир нутқига куч бағишлаган ўша қадр-қиммат, юмор ва ишонч билан курашди. Унга қаттиқ аза тутишади ва уни узоқ вақт ёдда сақлашади», – деб ёзди Албаниз Х ижтимоий тармоғида.
Сем Нил (тўлиқ исми Найжьел Жон Дермот Нил) 1947 йил 14 сентабрда Шимолий Ирландияда туғилган, ўша пайтда унинг отаси ҳарбий хизматни ўтаётганди. 1954 йилда Ниллар оиласи отасининг ватанига – Янги Зеландияга қайтади. Нил фаолиятини театр актёри сифатида бошлаган. «Ухлаётган итлар» (Слеепинг Догс, 1977) филмидаги роли унинг карерасида муҳим бурилиш ясайди – бу янги зеландияликларнинг АҚШда кенг кўламда намойиш этилган биринчи филми бўлиб ҳисобланади. Шундан сўнг Нил Ҳолливуд филмларида кўриниш беришни бошлайди.
«Рейли: Жосуслар қироли» (1983 йил) мини-сериалидаги роли учун уни «Олтин глобус» мукофотига номзод сифатида кўрсатишган.
1993 йилда Нил «Пианино» филмида (режиссёр ва ссенарийнавис Жьейн Кемпион) суратга тушади. Ушбу филм дастлаб Канн кинофестивалида «Олтин палма япроғи» мукофотини қўлга киритади, кейинчалик бир неча йўналишда «Оскар» ғолиби бўлади. Худди ўша йили Стивен Спилберг томонидан суратга олинган ва бош роллардан бирини Нил ижро этган «Юра даври парки» филми катта экранларга чиқади. Кейинги йилларда актёр ушбу франшизанинг бир неча сиквелларида суратга тушади.
Ўзбекистон томошабини уни 1998 йилда ишланган «Буюк Мерлин» телесериали (бош қаҳрамон, сеҳргар Мерлин ролини ўйнаган) орқали таниган. Нил кейинроқ «Тюдорлар» (Тҳе Тудорс, 2007-2010) ва «Ўткир виқорлилар» (Пеакй Блиндерс, 2013-2022) каби машҳур сериалларда ҳам рол ижро этди, шунингдек, «Симпсонлар» ва «Рик ва Морти» эпизодларида кўриниш берди.
Умуман олганда, актёр 50 йиллик фаолияти давомида 150 дан ортиқ филм ва сериалларда роллар ижро этган.