Зийрак томошабинни ҳам чалғитадиган детектив сериаллар (трейлер)
Зийрак томошабинни ҳам адаштириб юборадиган детектив сериаллар (трейлер)
Яхши детектив сериал томошабинни махсус эффектлар билан эмас, балки ҳақиқатни охирги қисмгача қанчалик усталик билан яшира олиши билан ушлаб туради. Қуйида сирлари ва тергов жараёнлари шу даражада чалкаштирилганки, уларнинг ечимини финалгача топиш деярли имконсиз бўлган ўнта сериални жамладик.
ҲБЎнинг ушбу минисериали янги таниши билан ўтказган бир кечаси даҳшатга айланган талаба йигит ҳақида ҳикоя қилади: қаҳрамонимиз қизнинг қотиллигида бош гумондорга айланади. Сериал АҚШ суд тизимининг ишлаш механизмини кўрсатиб, қаҳрамоннинг айбдорлиги ва айбсизлиги ўртасидаги мувозанатни сақлаш орқали интрига яратади.
Сериал воқеалари 1973-йилги Римда кечади. Реал воқеаларга таянган сюжетга кўра, дунёнинг энг бой одамларидан бири, нефт империяси вориси Жон Пол Гетти ИИИ ўғирлаб кетилади. Италиялик жиноятчилар тўловни кутаётган, меросхўрнинг оиласи эса ўғрилар билан музокаралар ва ички келишмовчиликлар орасида сарсон бўлаётган бир пайтда, сериал баъзан энг катта хавф жиноий дунёда эмас, айнан ўз оилангда яшириниши мумкинлигини кўрсатади.
2015-йилда юз берган реал воқеаларга асосланган ушбу минисериал икки маҳкум — Ричард Метт ва Девид Свитнинг Ню Ёрк штатидаги ўта қаттиқ қўриқланадиган Клинтон қамоқхонасидан қочиши ҳақида ҳикоя қилади. Воқеалар марказида қамоқхона тикувчилик устахонаси ищиси Тилли Митчелл туради. У бир вақтнинг ўзида ҳар икки маҳбус билан ишқий муносабатга киришиб, уларга қочишни режалаштиришда ёрдам беради.
Кейт Уинслет Пенсилваниядаги кичик шаҳарча детективи сифатида жиноятларни тергов қилади ва шу билан бирга барбод бўлаётган оилавий ҳаётини сақлаб қолишга уринади. Сериал йилнинг энг нуфузли лойиҳаларидан бирига айланди: Уинслет энг яхши аёл роли учун “Эмми” мукофотини олди, суратга олиш майдончасидаги ҳамкасблари Эван Питерс ва Жулианна Николсон эса иккинчи даражали роллар учун мукофотларга сазовор бўлишди.
Машҳур суд ишига асосланган ушбу сериал ўз хотини Кетлинни ўлдиришда айбланган ёзувчи Майкл Петерсон ҳақида ҳикоя қилади. Сериал бир хил воқеаларни гоҳ фожиали тасодиф, гоҳ пухта ўйланган қотиллик сифатида турли ракурслардан намойиш этади. Шу тариқа, йилларга чўзилган суд драмасида кимга ишонишни томошабиннинг ўзига ҳавола қилади.
Ҳулу телеканалининг ушбу минисериали 1997-йилда базмдан уйига қайтмаган 14 ёшли Рина Виркнинг ғойиб бўлиши билан боғлиқ реал воқеаларга асосланган. Мазкур ишни тергов қилишга полиция детективи Кем Бентланд (Лили Гладстоун) ва ёзувчи Ребекка Годфри (Райли Кио) киришади — асосий гумонланувчилар эса қизнинг ўз даврасидаги бир нечта ўсмирлардир.
1990-йилда суратга олинган машҳур триллернинг ремейки. Бош ролни Жейк Жилленҳол ижро этган. Округ прокурори Расти Сабич икки хил ҳаёт кечиради: унинг меҳрибон рафиқаси бор ва у ҳамкасби Керолин Полхемус билан яширин ишқий муносабатда бўлади. Керолин ўлдирилгач, ишни тергов қилиш Растига топширилади. Натижада у никоҳини сақлаб қолиш учун хиёнатини яширишга уриниш билан асосий гумондорга айланиш хавфи ўртасида қолади.
Бош ролларни Жуд Лоу ва Жейсон Бейтман ижро этган Нетфлих минисериали муваффақиятли ресторан ва тунги клуб эгаси Жейк Фридкен ҳақида ҳикоя қилади. Кредиторлар ва Ню Ёрк судхўрлари таъқиб қилаётган муаммоли акаси Винс қайтиб келиши билан Жейкнинг изга тушган ҳаёти остин-устун бўлиб кетади.
Амазон Приме Видеўнинг янги лойиҳаси эгизак опа-сингил Энни Жейкобсон ва унинг укаси Коннор ҳақида ҳикоя қилади. Улар узоқлашиб кетган боболари Канададаги кўлда жойлашган оролни мерос қилиб қолдирганини билиб қолишади. Ота ҳеч қачон фарзандларига боболари билан мулоқот қилишга рухсат бермаган ва у ҳақда ёмон гапирган. Шу сабабли Энни оиласи аслида нималарни яшираётганини аниқлаш учун Канадага йўл олишга қарор қилади.