Зироат Мирзиёева болалар соғлиқни сақлаш тизимини ривожлантиришга қўшган ҳиссаси учун халқаро эътирофга сазовор бўлди
Ўзбекистон биринчи хоними Зироат Мирзиёева саратон касаллигига чалинган болаларга тиббий ёрдам кўрсатиш тизимини ривожлантириш ҳамда ҳар бир боланинг соғлиқни сақлаш ва таълим олиш ҳуқуқини илгари суришга қўшган ҳиссаси учун эътироф этилди. Хабар қилинишича, бу эътироф «Болалар фаровонлигига инвестициялар: келажак авлодлар учун барқарор ва адолатли ривожланиш сари» халқаро саммити ва Болалар онкологияси бўйича II Халқаро конгресс доирасида янгради […]
Зироат Мирзиёева болалар соғлиқни сақлаш соҳасини ривожлантиришга қўшган ҳиссаси учун халқаро эътирофга сазовор бўлди
Ўзбекистоннинг биринчи хоними Зироат Мирзиёева онкологик касалликларга чалинган болаларга тиббий ёрдам кўрсатиш тизимини ривожлантиришга қўшган ҳиссаси, шунингдек, ҳар бир боланинг соғлиқ ва таълим олиш ҳуқуқини илгари сургани учун эътироф этилди.
Хабар қилинишича, ушбу эътироф «Болалар фаровонлигига инвестициялар: келажак авлодлар учун барқарор ва адолатли ривожланиш сари» мавзусидаги халқаро саммит ҳамда Болалар онкологияси ва гематологияси бўйича II Халқаро конгресс давомида янгради.
Жаҳон соғлиқни сақлаш ташкилоти (ЖССТ) бош директори Тедрос Адханом Гебрейесус Зироат Мирзиёеванинг онкологик касалликлардан даволанаётган болаларни қўллаб-қувватлаш соҳасидаги фаолиятини юқори баҳолади.
«Ҳурматли Биринчи хоним! Сиз дунёдаги болалар, айниқса, онкологик касалликлар билан курашаётганлар учун ҳақиқий пешдам, ҳар бир боланинг таълим ва соғлом ҳаётга бўлган ҳуқуқининг ҳимоячисисиз», — деб таъкидлади ЖССТ раҳбари.
Зироат Мирзиёева Zamin фонди Васийлик кенгашига раҳбарлик қилади, ушбу фонд болалар онкологик ёрдамини ривожлантиришда ва узоқ муддатли даволанаётган болаларни қўллаб-қувватлашда иштирок этади. Фаолият йўналишлари қаторига тиббий хизматларни такомиллаштириш ва болаларга даволаниш вақтида ўқишни давом эттириш имконини берувчи «Меҳрли мактаб» шифохона мактаблари тармоғини кенгайтириш киради.
ЖССТнинг глобал соғлиқни сақлаш соҳасидаги мукофотлари 2019 йилда таъсис этилган. Улар аҳоли соғлиғини яхшилашга ва жамоат соғлиқни сақлаш соҳасида аниқ натижаларга эришишга хизмат қилувчи улкан етакчилик ва ютуқлар учун топширилади.