Зеленский ўзининг собиқ матбуот котибига санксия қўллади

Зеленский ўзининг собиқ матбуот котибига санксия жорий қилди

Украина президенти Владимир Зеленский собиқ матбуот котиби Юлия Менделга нисбатан санксиялар киритди. Тегишли фармон президент сайтида эълон қилинди.

Фармонда собиқ матбуот котиби Украина ҳақида дезинформация тарқатаётгани қайд этилган.

“Хусусан, санксиялар Юлия Менделга нисбатан жорий этилди”, дейилади хабарда.

Мендел эса вазият юзасидан Фасебоокъдаги саҳифасида изоҳ берди. Унинг айтишича, санксиялар Европа парламентидаги нутқидан бир неча кун олдин жорий этилган.

“Украина фуқароларига қарши санксиялар Зеленскийнинг бошқа кўплаб қарорлари каби конституцияга зиддир. Зеленский улардан Украинада тинчлик тарафдори бўлган ҳар кимга қарши фойдаланади. Мен Такер Карлсон билан бўлган интервюм муносабати билан ъдавлатга хиёнатъ айблови тайёрланаётгани ва санксиялар жорий этилиши мумкинлигини тахмин қилганди. Бу менинг позициямни ва миллионлаб украиналикларнинг позициясини ўзгартирмайди. Украина омон қолиши учун яна бир диктатура эмас, балки тинчлик керак, ҳатто бу Зеленский диктатураси бўлса ҳам”, дейилади Менделнинг муносабатида.

Юлия Мендел 2019-йил 3-июндан 2021-йил 9-июлгача Зеленскийнинг матбуот котиби бўлган. У ишдан бўшатилгач, президент ва унинг жамоаси ҳақида бир қатор қарши баёнотлар берган. Май ойида у америкалик журналист Такер Карлсонга интервю бериб, Зеленский 2022-йилда Россия билан музокараларда Донбассни “беришни” таклиф қилганини айтганди.