Зеленский музокараларда Киев рози бöлмайдиган şартларни оçиқлади
Украина президенти Володимир Зеленский армия сонини çеклаş ва мамлакатнинг бетараф мақоми муҳокама қилинмаслигини билдирди. Унинг таъкидлаşиçа, ҳудудий масалалар фақат давлат раҳбарлари даражасида ҳал этилиşи мумкин. Киев АҚŞ таклиф қилаётган ҳудуд алмаşиş вариантига ҳам рози эмас.
Зеленский музокараларда Киев қабул қилмайдиган шартларни очиқлади
Зеленский бу ҳақда 25-октабр куни эълон қилинган «1+1» телеканалига берган интервюсида айтиб ўтди. Бу баёнот ноябр ойида Украина, Россия ва АҚŞ делегациялари ўртасида бўлиши мумкин бўлган музокаралар арафасида янгради.
«Бизнинг хавфсизлик кафолатларимиз - бизнинг хавфсизлик кафолатларимиз. Уларни Россия томони белгилаб бера олмайди», - деган Украина президенти.
Унинг сўзларига кўра, Киев учун навбатдаги уч томонлама музокараларда давлат раҳбарлари учрашувини ташкил этиш имконияти муҳокама қилиниши муҳим.
Зеленский ҳамкорларни Украина, АҚŞ ва Россия етакчилари иштирокидаги учрашувдан олдин Москвага қарши санксияларни шошилинч бекор қилмасликка ҳам чақирган.
«Санксиялар суҳбатлашиш имконияти учун эмас, тажовуз учун жорий қилинган. Буни Америка делегациясига ҳам айтдим: Россиянинг мойиллиги ҳақида гапирганда, уни бундай нарх эвазига сотиб олиш керак эмас», - деган у.
Украина раҳбари Путин билан учрашувга санксиялар, маблағлар ёки музлатилган активлар каби таъсир воситаларисиз боришни истамаслигини таъкидлаган. Унинг фикрича, бундай ҳолатда Киевнинг музокаралардаги имкониятлари камаяди.
Ноябрдаги учрашувда Украина энергетика соҳасидаги сулҳ ва Қора денгизда ўт очишни тўхтатиш масалаларини ҳам кўтаришни режалаштирмоқда.
Украина ва Россия АҚŞ воситачилигида тўғридан тўғри музокараларни қайта бошлашга тайёрлигини билдирган бўлса-да, делегациялар учрашувининг аниқ санаси ҳали келишилмаган.
Россия президенти ёрдамчиси Юрий Ушаков 25-октабр куни Кремл учрашувни 4-ноябрдан кейин ўтказиш имкониятини кўриб чиқаётганини айтган.
Аввалроқ Москва эҳтимолий манзил сифатида Бирлашган Араб Амирликлари пойтахти Абу-Дабини, тахминий муддат сифатида эса ноябр ўрталарини кўрсатган. Россия томони бу ҳақда АҚŞ президентининг махсус вакили Стивен Уиткофф билан 21-октабр куни Санкт-Петербургда бўлиб ўтган учрашувда маълум қилган.