Зангиота туманида энергияни сақлаш тизими ишга туширилди
Тошкент вилоятида 85 миллион долларлик хорижий инвестициялар ҳисобига амалга оширилган, қуввати 175 МВт бўлган электр энергиясини сақлаш тизими тармоққа уланди.
Зангиота туманида энергияни сақлаш тизими ишга туширилди
4 сентябрь куни Тошкент вилоятининг Зангиота туманида қуввати 175 МВт ва сиғими 350 МВт·соат бўлган энергияни сақлаш тизими электр тармоғига уланди. Лойиҳа қиймати 85 миллион долларни ташкил этади, у хорижий инвестициялар ҳисобидан амалга оширилди, деб хабар беради Ўзбекистон Энергетика вазирлиги.
Уланиш куни объектга энергетика вазири Шерзод Хўжаев ташриф буюрди. У энергияни сақлаш тизимини ишга тушириш ва уни тармоққа улаш жараёни билан танишди.
Ҳозирги вақтда тизим аллақачон электр тармоғига уланган. Объектнинг тўлиқ қувват билан ишлаши сентябрь ойи охиригача режалаштирилган.
Янги тизим юқори юкланиш даврида электр тармоғи ишининг барқарорлигини оширишга мўлжалланган. Тўпланган электр энергиясидан кунига икки марта — ҳар сафар икки соат давомида фойдаланиш мумкин бўлади.
Тизимнинг қуввати 175 МВт, сиғими эса 350 МВт·соатни ташкил этади.
Энергетика вазирлиги маълумотларига кўра, талаб юқори бўлган соатларда тўпланган энергиядан фойдаланиш электр тармоғи ишини барқарорлаштириш имконини беради.