Ёзги романтика: севги ҳақидаги ҳали оммалашиб улгурмаган 5 та филм
Ёзги романтика: севги ҳақидаги ҳали оммалашиб улгурмаган 5 та филм
Бу ёзда катта экранларда ва рақамли форматда ҳали кенг оммалашмаган бир нечта романтик филмлар намойиш этилди. Булар манзарали жойларда кечадиган севги ҳикоялари бўлиб, шунинг учун уларни томоша қилиш янада қизиқарли. Айрим филмлар ёз бошида чиқарилган бўлса, баъзилари июл ойида прокатга чиқади, шунинг учун ушбу рўйхатни эътиборга олишни унутманг.
“Биргаликдаги сайр”, реж. София Алварес (2022)
“Кампус ташқарисида” филми юлдузи Белмонт Камели уйқусизликдан қийналаётган сирли йигит Илай ролини ўйнайди. У ўтказиб юборилган ўсмирлик йилларининг ўрнини тўлдириш ва қўрқувларидан халос бўлишга ёрдам берадиган 18 ёшли Оден (Эмма Пасароу) билан танишади.
“Энола Холмс 3”
Милли Бобби Браун афсонавий детективнинг синглиси Энола Ҳолмс ролига қайтмоқда. Бу сафар у лорд Эрнест Тебкесбарй билан турмуш қуради. Бироқ, никоҳ ўқиладиган жойга кетаётганида, доктор Вацон уни тўхтатиб, акаси ўғирлаб кетилганини хабар қилади. Айни пайтда Мориарти қамоқдан қочиб кетган ва буларнинг барчасини айнан у уюштирган деб тахмин қилиш мумкин.
“Биз йўқотган ҳамма нарса”, реж. Жорге Алонсо (2026)
Ота-онаси вафот этгач, ёш мусаввир Леа мўйқалам ва бўёқларини ташлаб, ҳаётдан кўнгли совийди. Унинг аҳволидан хавотирланган акаси хизмат сафарига кетишдан олдин дўсти Акселдан синглисига вақтинча бошпана беришини сўрайди. Аксел нафақат Леага келажакка умид бахш этади, балки унинг учун ҳис-туйғулар оламини ҳам кашф этади.
“Эркак ва аёл”, реж. Клод Лелуш (1966)
Ёмғир. Соҳилбўйи. Аёл – режиссёр Анннинг ёрдамчиси, эркак эса – пойгачи Жан-Луи. Иккаласи ҳам фарзандларини ёлғиз тарбиялайди ва собиқ умр йўлдошларини хаёлидан чиқаролмайди. Улар ўртасида учқун пайдо бўлиб, ўзаро тортишиш кучи ҳаётга бўлган сўнган иштиёқни қайтаради. Қаҳрамонларни Анук Эме ва Жан-Луи Трентинян ижро этган.
“Осмон ва Ер орасида”, реж. Алис Вял (2025)
Истеъдодли мусиқачи Оскар автоҳалокатда вафот этгач, унинг руҳи бизнинг дунёда қолиб кетади. Уни фақат ғайритабиий қобилияти – арвоҳларнинг овозини эшита олиши туфайли шахсий ҳаёти издан чиққан Элзагина эшита олади. Уларнинг суҳбатлари ва куртак ёзаётган туйғулари дунёлар ўртасидаги чегарани енгиб ўтишга ёрдам беради. Ролларни Жонатан Коен ва Магали Лепин-Блондо ижро этган.