Ёриб кўриш натижалари Ҳейден Панеттьернинг ўлимига гиёҳванд моддаларнинг ҳаддан ташқари кўп истеъмол қилиниши сабаб бўлганини кўрсатди
Ўтган ойда 36 ёшида вафот этган собиқ болалар юлдузининг организмида фентанил, Ксанакс, мушак бўшаштирувчи (миорелаксант) ва антипсихотик дори воситалари борлиги аниқланди.
Ёриб кўриш натижалари Ҳейден Панеттьернинг гиёҳванд моддаларни ҳаддан ташқари кўп истеъмол қилишдан вафот этганини кўрсатди
Жанубий Каролина штатидаги Гринвилл округи коронер идораси томонидан ўтказилган ёриб кўриш натижаларига кўра, болаликдан танилган юлдуз Ҳейден Панеттьер унинг организмидаги фентанил, Ксанакс ва бошқа бир нечта дори воситаларининг заҳарли таъсиридан вафот этган.
Коронер идорасининг маълум қилишича, Панеттьернинг ўлими бахтсиз ҳодиса бўлган ва унинг ўлимига сабаб бўлиши мумкин бўлган ҳеч қандай жароҳат излари топилмаган.
Панеттьер ўтган ойда Жанубий Каролинадаги уйлардан бирида ҳушсиз ҳолатда топилганидан кейин 36 ёшида вафот этган эди.
АҚШнинг «Қаҳрамонлар» (Heroes) ва «Нэшвилл» (Nashville) телесериаллари юлдузи зарарли моддаларга қарамлик билан курашаётгани ҳақида очиқ гапирган эди.
Коронер идораси, шунингдек, унинг организмида метокарбамол — рецепт бўйича бериладиган мушак бўшаштирувчи дори ва кветиапин — айрим руҳий касалликларни даволашда қўлланиладиган антипсихотик воситани аниқлаган.
Фентанил — синтетик опиоид бўлиб, у сўнгги беш йилнинг ўзида юз минглаб америкаликларнинг ҳаётига зомин бўлди.