Йиллар давомида кутилган энг катта Боеинг 737 МАХъга рухсат берилди
АҚШ Федерал авиация маъмурияти - ФАА Боеинг 737 МАХ 10 самолётидан фойдаланишга якуний рухсат берди. Бу 230 нафаргача йўловчи ташишга мўлжалланган, 737 МАХ оиласининг энг сиғимдор вариантини авиакомпанияларга етказиб бериш учун йўл очади.
Йиллар давомида кутилган энг йирик Боеинг 737 МАХъга рухсат берилди
Реутерс хабарига кўра, сертификатлаш жараёнининг якунланиши Боеинг учун муҳим босқич бўлди. Компания 2020-йиллар бошидан бери МАХ 10ъга сертификат олишга уриниб келаётган эди, бироқ самолётни бозорга чиқариш муддати бир неча бор кечиктирилди.
Боеинг янги моделни молиявий тикланишидаги асосий манбалардан бири сифатида кўрмоқда. Авиация соҳасига ихтисослашган ИБА таҳлилий компанияси маълумотларига кўра, авиакомпаниялар МАХ 10 учун 1550 дан ортиқ буюртма берган. Ушбу модел Боеинғнинг 737 оиласи бўйича ҳали бажарилмаган буюртмалар портфелининг 31 фоизини ташкил этади.
МАХ 10 компаниянинг тор фюзеляжли йўловчи самолётлари бозорида Аирбус билан рақобатида ҳам муҳим аҳамиятга эга. Сертификатлашдаги кечикишлар даврида Европа ишлаб чиқарувчисининг А321нео модели йирик тор фюзеляжли самолётлар сегментида ўз мавқеини мустаҳкамлаб олди.
Янги лайнернинг асосий буюртмачилари орасида Унитед Аирлинес, Аласка Аирлинес, Рянаир, Делта Аир Линес ва Америсан Аирлинес бор. Кўпроқ йўловчи ташиш имконияти ушбу авиакомпанияларнинг паркни ривожлантириш режалари учун муҳим ҳисобланади.
Боеинг аллақачон бир нечта МАХ 10 самолётини ишлаб чиқиб қўйган. Улар буюртмачиларга етказиб берилишини кутмоқда.