Европанинг энг қиммат компанияси банк эмас: 670 миллиард долларлик АСМЛ нима ишлаб чиқаради?
Европанинг энг қиммат очиқ аксиядорлик компанияси - Нидерландиянинг микрочип ишлаб чиқариш ускуналарини етказиб берувчи АСМЛ компанияси бўлди. Висуал Сапиталист рейтингида унинг бозор қиймати 670 миллиард доллар деб кўрсатилган. Бироқ Европа мамлакатларининг аксариятида миллий фонд бозори етакчилари банклар, молиявий ва энергетика компанияларидир.
Европадаги энг қиммат компания банк эмас: 670 миллиард долларлик АСМЛ нима ишлаб чиқаради?
АСМЛ нега шунчалик қиммат?
АСМЛ илғор микрочиплар ишлаб чиқаришда ишлатиладиган ўта қисқа тўлқинли ултрабинафша нурли литография — ЭУВ тизимларининг ягона етказиб берувчиси бўлгани учун яримўтказгичлар саноатида муҳим мавқега эга.
Рейтингга кўра, у 42 мамлакат етакчилари орасидаги ягона технологик компания ҳисобланади. Бозор капиталлашуви бўйича эса дунёда 20-ўринни эгаллаган.
АСМЛ'нинг 670 миллиард долларлик баҳоси Буюк Британия етакчиси ҲСБС банкининг 342,4 миллиард долларлик ва Швейсария етакчиси Роче компаниясининг 341,5 миллиард долларлик қийматидан қарийб икки баравар юқори.
Европанинг аввалги етакчиси қийматининг 70 фоизидан кўпроғини йўқотди
Даниянинг Ново Нордиск компанияси 2024-йилда Европанинг энг қиммат компанияси бўлган. Ўшанда унинг бозор қиймати 650 миллиард доллардан ошган.
Янги рейтингда эса Оземпис ва Веговй препаратларини ишлаб чиқарувчи компаниянинг капиталлашуви 168,6 миллиард доллар деб кўрсатилган. Бу аввалги энг юқори кўрсаткичга нисбатан 70 фоиздан ортиқ пасайишдир.
Мақолада бу ўзгариш Эли Лиллй компаниясининг рақобатчи Моунжаро ва Зепбоунд препаратлари бозордаги улушини кенгайтираётгани билан изоҳланган. Шунга қарамай, Ново Нордиск Даниянинг энг қиммат компанияси бўлиб қолмоқда.
Кўп мамлакатларда банклар етакчи
Европанинг 15 мамлакатида энг катта бозор қийматига эга компания — банк. Суғурта ва инвестиция компаниялари ҳам қўшилса, молия сектори 18 мамлакатда етакчилик қилади.
Яна 10 мамлакатда биринчи ўрин энергетика ва коммунал хизматлар компанияларига тегишли. Демак, молия ҳамда энергетика-коммунал хизматлар соҳалари 42 миллий етакчининг 28 тасини ташкил этади.