Европа Spectrum ракетасининг учирилиши туфайли коинотга суверен кириш имкониятига эга бўлди
Европа Spectrum ракетасининг учирилиши туфайли коинотга суверен кириш имкониятига эга бўлди
Германиянинг Isar Aerospace аэрокосмик стартапи Spectrum элтувчи ракетасини учирди, у 5 та сунъий йўлдошни паст ер орбитасига муваффақиятли олиб чиқди.
Элтувчи ракетанинг парвози Норвегиядаги Аннейя космодромидан 5 сентябрь куни UTC вақти билан соат 20:12 да амалга оширилди. Борт камераларидан сигналнинг режали йўқолиши сабабли миссиянинг тўғридан-тўғри трансляцияси парвоздан 18 дақиқа ўтиб якунланди.
Эфир узилишидан олдин ракета парвознинг барча асосий босқичларини, жумладан, босқичларнинг ажралиши, иккинчи босқич двигателининг ишга туширилиши, бош қисм қобиғининг ташлаб юборилиши ва траекторияга чиққандан кейин иккинчи босқич двигателининг ўчирилишини амалга оширишга улгурди.
Isar Aerospace стартап иккинчи уринишдаёқ сунъий йўлдошларни орбитага муваффақиятли олиб чиқишга муваффақ бўлган Европанинг биринчи тижорат космик компаниясига айланганини таъкидлади.
Компания бош директори ва ҳаммуассиси Дэниел Метцлер бир неча йил ичида жамоа Европа космик тармоғи илгари ўнлаб йиллар давомида эришган натижаларга эришганини ва энди Европа коинотга суверен кириш имкониятига эга бўлганини маълум қилди.