Етти ойда Ўзбекистон 3,5 триллион сўмлик фармацевтика маҳсулотлари ишлаб чиқарди — статистика

Етти ойда Ўзбекистон 3,5 триллион сўмлик фарм маҳсулотлари ишлаб чиқарди — статистика

Ўзбекистон дори-дармон ва бошқа фармацевтика маҳсулотлари ишлаб чиқаришни сезиларли даражада оширди. 2026 йилнинг январь-июль ойларида мамлакат корхоналари томонидан 3,5 триллион сўмлик асосий фармацевтика маҳсулотлари ва препаратлари ишлаб чиқарилди — бу ўтган йилнинг шу даврига нисбатан 20,7 фоизга кўпдир.

Миллий статистика қўмитаси маълумотларига кўра, етти ой давомида мамлакатдаги жами фармацевтика ишлаб чиқариш ҳажмининг қарийб учдан икки қисми Тошкент шаҳри ҳиссасига тўғри келди: пойтахтда 2,1 триллион сўмлик маҳсулот ишлаб чиқарилди.

Сирдарё вилоятида ишлаб чиқариш ҳажми 529 миллиард сўмни, Тошкент вилоятида — 286,4 миллиард сўмни, Наманган вилоятида — 214,2 миллиард сўмни ташкил этди. Самарқанд вилоятида 143,1 миллиард сўмлик, Андижон вилоятида — 83,6 миллиард сўмлик, Фарғона вилоятида эса — 63,5 миллиард сўмлик маҳсулот ишлаб чиқарилди.

Сурхондарё вилоятида ишлаб чиқариш ҳажми 53,7 миллиард сўмга, Хоразм вилоятида — 20,6 миллиард сўмга, Қашқадарё вилоятида — 17,4 миллиард сўмга етди. Бухоро вилоятида 9,4 миллиард сўмлик, Қорақалпоғистонда эса — 3,5 миллиард сўмлик фармацевтика маҳсулотлари ишлаб чиқарилди.

Энг кам ҳажмлар Навоий ва Жиззах вилоятларида қайд этилди — тегишлича 0,2 ва 0,1 миллиард сўм.

2026 йилнинг иккинчи чорагида Рақобатни ривожлантириш ва истеъмолчилар ҳуқуқларини ҳимоя қилиш қўмитаси дори-дармонлар нархини ошириб юбориш билан боғлиқ юзлаб ҳолатларни аниқлади. Истеъмолчиларга харидлар қиймати 1,9 миллиард сўмга қайта ҳисоблаб берилди.