Яшаш учун энг яхши шаҳар қайси?
Австралия пойтахти Канберра 2026-йилда ҳаёт сифати бўйича дунё шаҳарлари рейтингида биринчи ўринни эгаллади. Охфорд Эсономисс таҳлил марказининг Глобал Ситиес Индех 2026 тадқиқотида шаҳар ушбу йўналиш бўйича энг юқори - 100 балл олди.
Яшаш учун энг яхши шаҳар қайси?
Дунёнинг 1000 та шаҳрини қамраб олган тадқиқот асосида Висуал Сапиталист инфографика тайёрлади. Ҳаёт сифати аҳоли жон бошига даромад, даромадлар тенгсизлиги, уй-жой харажатлари, кутилаётган умр давомийлиги, жиноятчилик даражаси ҳамда дам олиш ва маданий масканлардан фойдаланиш имкониятлари бўйича баҳоланган.
Канберранинг етакчилигига юқори иш ҳақи ва даромадлар ўртасидаги тафовутнинг нисбатан кичиклиги асосий омил бўлган. Шаҳарда давлат секторига тегишли барқарор ва яхши ҳақ тўланадиган иш ўринлари кўп.
Австралия пойтахти кутилаётган умр давомийлиги бўйича ҳам яхши натижалар қайд этган. Аҳоли сонига нисбатан дам олиш ва маданий масканларнинг кўплиги ҳам шаҳарнинг юқори баҳоланишига ҳисса қўшган.
Бироқ Канберра Глобал Ситиес Индехънинг барча йўналишларни қамраб олувчи умумий рейтингида 45-ўринда турибди. Яъни ҳаёт сифати бўйича етакчилик шаҳарнинг умумий рейтингда ҳам биринчи ўринни эгаллашини англатмайди.
Ҳаёт сифати бўйича юқори поғоналарда Европа шаҳарлари устунлик қилган. Улар орасида Норвегиянинг Берген ва Осло, Франсиянинг Гренобл ҳамда Швейсариянинг Берн шаҳарлари бор.
Германиянинг беш шаҳри - Дрезден, Берлин, Мюнхен, Штутгарт ва Фрайбург-им-Брайсгау дастлабки 21 таликка кирган. Швейсариянинг Берн, Базел ва Сюрих шаҳарлари биринчи йигирматаликдан, Италиянинг Венеция, Падуя ва Генуя шаҳарлари эса биринчи ўттизталикдан жой олган.
Москва ҳаёт сифати бўйича 180-ўринни эгаллаган.
Европадан ташқарида Австралиянинг Канберра ва Сидней, АҚШнинг Сан-Хосе ва Сиетл, Тайваннинг Синчжу ва Тайбей шаҳарлари ҳамда Сингапур юқори натижалар кўрсатган.
Одатда яшаш учун жозибадор деб қараладиган айрим шаҳарлар эса биринчи ўттизталикка ҳам кира олмаган. Бунга, асосан, уй-жойнинг қимматлиги таъсир қилган.
Масалан, Дания пойтахти Копенҳаген умумий рейтингда 18-ўринда бўлса-да, ҳаёт сифати бўйича 160-поғонада қолган. Охфорд Эсономисс баҳосига кўра, уй-жой таклифининг чекланганлиги ва нархларнинг юқорилиги натижани пасайтирган. Айни пайтда шаҳар бошқарув сифати бўйича дунёда биринчи ўринни эгаллаган, атроф-муҳит ва иқтисодиёт йўналишларида ҳам кучли натижалар қайд этган.