Японияга “Дужуан” тайфуни ёпирилди, икки миллион одам эвакуация қилинади (фото)
Японияга “Дужуан” тайфуни ёпирилди, икки миллион одам эвакуация қилинади (фото)
Японияга ёпирилган “Дужуан” тайфуни сабабли қарийб икки миллион киши эвакуация қилиниши ҳақида огоҳлантирилди. Бу ҳақда ББС хабар берди.
Тайфун оқибатида тўрт киши ҳалок бўлган, жами саккиз киши бедарак йўқолган. Япония Метеорология агентлиги “ҳаёт учун муқаррар хавф” борлигидан огоҳлантирган. Кучли шамол туфайли 50 мингдан ортиқ киши электр таъминотидан узилган, юзлаб рейслар бекор қилинган, темирйўл қатновлари тўхтатилган.
Тайфун Тинч океанида кузатилаётган бир қатор бўронларнинг навбатдагиси бўлиб, океан сувларининг исишига сабаб бўлаётган “супер Эл Нино” туфайли кучайган. Расмийлар аҳолини об-ҳаво маълумотларига эътибор қаратишга чақирмоқда.
Хусусан, 22-сентябр куни Роск ин Жапан мусиқа фестивалида ўтказилиши режалаштирилган консертлар бекор қилинди. Токё Гаме Шов видеоўйинлар кўргазмаси ҳам шу кунги дастурини бекор қилди.
Шундан сўнг у АҚШга режалаштирилган сафарини қолдирмаслигини айтди.
“Шошилинч вазиятни ҳисобга олиб Вазирлар Маҳкамаси бош котиби Такеҳара ва вазир Ҳосонога барча зарур чораларни кўриш бўйича топшириқ бердим”, деди у.
Такаичи 22-сентябр куни Ню Ёркда БМТ Бош ассамблеясида нутқ сўзлайди ҳамда АҚШ президенти Доналд Трамп билан учрашади.
Эл Нино — Тинч океанининг экваториал қисмидаги сувларнинг аномал даражада исиши билан боғлиқ иқлим ҳодисаси. У қурғоқчилик, кучли ёғингарчилик, сув тошқинлари ва бошқа экстремал об-ҳаво ҳодисаларига сабаб бўлиши мумкин. Булар эса ҳосилдорлик ва озиқ-овқат нархларига таъсир кўрсатади. Тадқиқотчилар Эл Нино Осиёдаги айрим давлатларда янги инқироз хавфини юзага келтириши мумкинлигини айтмоқда.