Янги Дасиа Ҳипстер ситикари намойиш этилди
Митти автомобил бурчакли шаклдаги кузов ва электр двигателга эга бўлади.
Янги Дасиа Ҳипстер ситикари тақдим этилди
2025-йилда намойиш қилинган Дасиа Ҳипстер консепти серияли ишлаб чиқариш версиясига эга бўлади. Бу ҳақда Аутосар лойиҳага яқин манбага таяниб ёзмоқда. Нашрга кўра, моделни ишлаб чиқариш келаси йилдаёқ бошланади. Йиғиш ишлари Хитойдаги заводда йўлга қўйилади.
Шунга қарамай, автомобил дунёнинг бошқа бозорларида ҳам сотувга чиқади. Масалан, Буюк Британияда ситикарнинг бошланғич нархи тахминан £9,5 мингни (тахминан 150 миллион сўм) ташкил этади.
Янги автомобил Дасиа Спринг моделининг вориси сифатида кўрилмоқда. Кичик ситикарнинг узунлиги тахминан 3 метр бўлади. Автомобил бурчакли кузов шакли ва тўрт ўриндиқли салон билан таъминланади. Машинани электр куч қурилмаси ҳаракатга келтиради.
Серияли моделнинг техник тафсилотлари ҳозирча очиқланмаган. Фақат автомобил 15 кВт·соат сиғимли батарея билан жиҳозланиши маълум.
Қизиқ томони шундаки, Дасиа Ҳипстер консептида борт медиатизими йўқ эди. БЁД (Бринг Ёур Овн Девисе) технологияси туфайли унинг вазифасини ҳайдовчининг шахсий смартфони ёки планшети бажариши мумкин эди. Катта эҳтимол билан айни шундай тизим прототипнинг серияли версиясида ҳам қўлланилади.