«Яндекс» дата-маркази жойлашган завод ҳудудида ёнғин чиқди
Россиянинг Рязан вилояти Сасово шаҳридаги «Саста» станоксозлик заводи ҳудудида ёнғин чиққан. Астра нашрининг очиқ манбалар таҳлилига кўра, шу ҳудудда «Яндекс ДЦ» компаниясининг маълумотларни сақлаш ва қайта ишлаш маркази ҳам жойлашган.
«Яндекс» дата-маркази жойлашган завод ҳудудида ёнғин юз берди
Нашр 8-октабрга ўтар кечаси эълон қилган хабарда ёнғин жойи гувоҳлар томонидан олинган кадрлар асосида аниқлангани айтилган.
Астра, шунингдек, ўтган ой дата-марказ ходимлари у ердаги ускуналарни кўрсатиб, обьект Сасово шаҳрида жойлашганини айтганини қайд этган.
Кейинроқ Яндех Слоуд булутли платформасининг алоҳида хизмат кўрсатиш зонасида электр таъминоти билан боғлиқ узилиш ҳақида хабар пайдо бўлган. Тахминан 40 дақиқадан сўнг платформа жамоаси вазият барқарорлашганини билдирган.
Бироқ бу узилиш айнан ёнғин оқибатида юз бергани ёки дата-марказнинг ўзига зарар етгани ҳақида келтирилган хабарларда аниқ тасдиқ йўқ. Ёнғиннинг сабаби ва зарар кўлами ҳам ошкор этилмаган.
«Саста» рақамли дастурий бошқарувга эга металлга ишлов бериш станокларини ишлаб чиқаради. Астра маълумотига кўра, корхона ускуналари мудофаа, аерокосмик, транспорт ва оғир саноатда қўлланади.
Нашр заводнинг Россия ҳарбий-саноат мажмуаси учун аҳамияти тайёр қурол ишлаб чиқаришда эмас, балки юқори аниқликдаги металл деталлар ва узелларни тайёрлаш учун станоклар етказиб беришда эканини таъкидлаган.
Астра корхона Канада, Швейсария, Европа Иттифоқи, Буюк Британия, Австралия, Янги Зеландия ва Япония санксиялари остида эканини ҳам эслатган.
Аввалроқ, 25-сентабр кечқурун Россия қўшинларининг Украинадаги Сосмонова телекоммуникация оператори инфратузилмаси, жумладан, дата-марказига зарбалари ортидан Киевда интернет ва телевидение ишида узилишлар кузатилган эди.
Украина президенти Володимир Зеленский 3-октабрда дата-марказлар ва мобил алоқа обьектларига ҳужумларни танқид қилиб, бундай зарбалар оддий аҳолига таъсир қилишини таъкидлаган.