Яман ҳукумати Сано аеропортини бомбардимон қилди. Ҳусийлар Саудияга ракета отди.

Яман ҳукумати Сано аеропортини бомбардимон қилди, Ҳусийлар эса Саудияга ракета отди. Душанба куни Яманнинг халқаро миқёсда тан олинган ҳукумати Эрон самолётининг қўнишига тўсқинлик қилиш мақсадида Сано аеропортига ҳужум қилди. Ҳусийлар бу ҳаракатга жавобан Саудия Арабистонининг Абҳа аеропортига баллистик ракеталар отди.

Халқаро тан олинган Яман ҳукуматининг кучлари 13 июл куни Эрондан ҳусийлар делегациясини олиб келаётган самолётнинг қўнишига йўл қўймаслик учун Сано аеропортининг учиш-қўниш йўлагини бомбардимон қилди.

Душанба куни эрталаб Яман мудофаа вазири расмий Теҳрон ва ҳусийларни Эрон самолётларининг Яман ҳаво ҳудудини бузишини тўхтатишга кўндириш бўйича дипломатик уринишларни тугатганини маълум қилди.

Унинг сўзларига кўра, ҳукумат кучлари Яман ҳаво ҳудудини бузган ҳар қандай «душман самолётига барча мавжуд воситалар билан» жавоб беришга тайёр ва Эронни бу ҳолат учун жавобгар деб ҳисоблайди.

Ҳозирги кунда пойтахт Сано ва шимолий Яманнинг катта қисми, жумладан, Қизил денгизнинг ғарбий соҳилидаги Ҳудайда порт шаҳри Эрон билан алоқадор ҳусийлар назоратида қолмоқда. Саудия Арабистони ва араб давлатлари томонидан қўллаб-қувватланадиган ҳукумат эса мамлакат жанубидаги Адан шаҳрида жойлашган.

Ҳукуматнинг душанба кунидаги баёнотида: «Эрон режими томонидан қўллаб-қувватланадиган ҳусий гуруҳлари Яман миллий самолётларининг пойтахт Сано аеропортига қўнишига тўсқинлик қилди. Шунингдек, Эрон самолётининг Яман ҳаво ҳудудини бузиб киришини талаб қилди. Шунинг учун аеропортнинг учиш-қўниш йўлаги нишонга олинди», деб айтилган.

Ал-Жазеера нашрининг хабар беришича, аввалроқ Яман мудофаа вазирлиги тинч аҳоли, ищилар, дипломатик миссиялар ва инсонпарварлик ташкилотларини аеропорт ва унинг атрофини зудлик билан тарк этишга чақирган эди.

Зарбалар қарамай, кун охирига келиб, Теҳрондан ҳусийлар делегациясини олиб қайтаётган самолёт Ҳудайдага қўнди.

Ҳусийларнинг «Ал-Масираҳ» телеканали гуруҳнинг транспорт вазиридан иқтибос келтирган ҳолда: «Яманнинг расмий делегацияси ҳамроҳлигида бир қатор тиббий беморлар ва чет элда қолиб кетган фуқароларни олиб келаётган Эрон самолёти ватан тупроғига қўнди», деб хабар берди.

Сано аеропортига берилган зарбалардан сўнг ҳусийлар ҳеч қандай далил келтирмасдан, ҳужумда Саудия Арабистонини айблади ва бунга муносиб жавоб қайтаришларини билдирди.

Ҳусийлар ҳарбий матбуот котиби Яҳё Сарий: «Бу тажовуз жавобсиз ва жазоларсиз қолмайди», деб огоҳлантирди.

Эрон ҳам ушбу зарбаларни қоралади. Мамлакат ташқи ишлар вазирлиги матбуот котиби Исмоил Бақоий ҳужумни «халқаро ҳуқуқ ва Бирлашган Миллатлар Ташкилоти Низомининг очиқдан-очиқ бузилиши, шунингдек, Яманнинг миллий суверенитети ва ҳудудий яхлитлигига қилинган тажовуз» деб атади.

Саудия Арабистони расмийлари томонидан ҳозирча ҳеч қандай муносабат билдирилгани йўқ.

Душанба куни кечқурун Ямандаги Саудия бощилигидаги коалиция ҳусийлар томонидан қиролликнинг жанубий минтақаси томон отилган баллистик ракеталарни тутиб қолганини маълум қилди.

Коалиция вакили Турки ал-Маликий ижтимоий тармоқларда: «Ҳаво ҳужумидан мудофаа тизимлари ҳусий гуруҳлари томонидан жанубий ҳудудга қарата отилган баллистик ракета таҳдидини бартараф этди