Хусусий театрларга янги имтиёзлар: ижара харажатлари ҳам қоплаб берилади
2026-йил 1-сентабрдан нодавлат театр ва театр-студияларни қўллаб-қувватлашнинг янги тартиби амалга киритилади. Унга кўра, саҳна асарларини яратиш ҳамда хусусий бинолар ижараси билан боғлиқ айрим харажатлар давлат бюджети ҳисобидан қоплаб берилади.
Хусусий театрларга янги имтиёзлар берилади: энди ижара харажатлари ҳам қопланади.
Қонунчиликда белгиланган тартибга кўра, нодавлат театрлар ва театр-студиялар томонидан ҳар йили яратиладиган 50 та саҳна асарининг харажатлари давлат бюджети ҳисобидан қопланади.
Бундан ташқари, уларнинг хусусий биноларни ижарага олиш харажатларининг ҳар ойлик базавий ҳисоблаш миқдорининг 50 бараваригача бўлган қисми ҳам давлат бюджети томонидан қоплаб берилади.
Шунингдек, давлат маданият обьектлари бўш вақтларида нодавлат театрлар ва театр-студияларга спектаклларни намойиш этиш учун ижара тўловисиз фойдаланишга берилади.
Агар бирор томоша залидан фойдаланиш учун икки ёки ундан ортиқ нодавлат театр ёки театр-студия талабгор бўлса, улар ўртасида танлов ўтказилади.
Ушбу тартиб нодавлат театрлар фаолиятини қўллаб-қувватлаш, янги саҳна асарлари яратилишини рағбатлантириш ва уларнинг спектакллар намойиш этиши учун қўшимча имкониятлар яратишга қаратилган.