Хорижий инвестициялар: Хитойнинг улуши 47 фоизга етди
2026-йилнинг январ–июн ойларида Ўзбекистонда ўзлаштирилган хорижий инвестициялар ва кредитлар ҳажмида Хитой энг катта улушга эга бўлди - 47 фоиз. Кейинги ўринларни Россия ва Туркия эгаллади.
Хитой Ўзбекистонга киритилган хорижий инвестицияларнинг деярли ярмини ташкил этди.
Миллий статистика қўмитасининг маълумотларига кўра, 2026-йилнинг январидан июнигача Ўзбекистон иқтисодиёти ва ижтимоий соҳасини ривожлантиришга барча молиялаштириш манбаларидан жами 338,9 триллион сўм миқдорида асосий капиталга инвестициялар жалб қилинган.
Бу инвестицияларнинг 69,5 фоизи хорижий инвестициялар ва кредитлар ҳисобига тўғри келган.
Жалб қилинган хорижий инвестициялар ва кредитлар ҳажми бўйича Хитой бошқа давлатлардан сезиларли даражада ўзиб кетиб, етакчиликни қўлга киритган. Унинг улуши 47 фоизни ташкил этган.
Кейинги ўринларда Россия 7,4 фоиз, Туркия эса 6,6 фоиз улуш билан қайд этилган.
Шунингдек, хорижий инвестициялар ва кредитлар ҳажми бўйича Саудия Арабистонининг улуши 4,1 фоиз, Бирлашган Араб Амирликлариники 3,2 фоиз ва Қозоғистонники 2,5 фоизни ташкил этган.
Шундай қилиб, 2026-йилнинг биринчи ярмида Ўзбекистонга жалб қилинган хорижий инвестициялар ва кредитлар таркибида Хитой энг катта улушга эга давлат бўлиб қолмоқда.