Хивада биринчи халқаро Мерсуре меҳмонхонаси иш бошлади
Хивада минтақадаги биринчи халқаро меҳмонхона бренди — Мерсуре иш бошлади. Лойиҳага 26 млн доллар инвестиция киритилди.
Хивада биринчи халқаро Мерсуре меҳмонхонаси фаолият бошлади
Хоразм вилоятининг Хива шаҳрида Мерсуре меҳмонхонаси ишга тушди. Шу тариқа у минтақадаги биринчи халқаро меҳмонхона брендига айланди. Меҳмонхона қурилишига 26 миллион доллар инвестиция йўналтирилди ва 200 та янги иш ўрни яратилди.
Меҳмонхона 145 та хонага мўлжалланган бўлиб, бир вақтнинг ўзида 300 нафаргача меҳмонни қабул қила олади. Обьектни барпо этишда тарихий Хива муҳитига мос тушиши учун миллий ва замонавий услублар уйғунлигидан фойдаланилган.
Меҳмонхонанинг ишга туширилиши Хоразм вилоятидаги меҳмонхона инфратузилмасини кенгайтиради ҳамда сайёҳларни қабул қилиш учун қўшимча имкониятлар яратади. Халқаро бренднинг пайдо бўлиши Хоразм воҳасининг туристик салоҳиятини янада ривожлантиришга хизмат қилиши кутилмоқда.
Халқаро меҳмонхона брендларининг минтақавий бозорга кириб келиши хорижий сайёҳларни, жумладан, юқори харид қобилиятига эга саёҳатчиларни жалб этишда муҳим аҳамиятга эга. Жойлашиш учун меҳмонхона танлашда хорижлик меҳмонлар кўпинча аввалдан ишонч билдирган машҳур меҳмонхона тармоқларига эътибор қаратади.
Меҳмонхона инфратузилмасининг ривожланиши бир вақтнинг ўзида туризм соҳасида хизмат кўрсатиш сифати аҳамиятини ҳам оширади.
Хивада Мерсуре меҳмонхонасининг очилиши меҳмонларни қабул қилиш ва минтақанинг туристик салоҳиятини янада ривожлантириш учун қўшимча шароитлар яратади.