Хитойлик олимлар илк бор 10 метр чуқурликда қуёш панелларини синовдан ўтказишди
Хитойлик олимлар илк бор очиқ денгизда 10 метр чуқурликда қуёш элементларини синовдан ўтказишди. Тажриба шуни кўрсатдики, тизим ҳатто сув остида ҳам электр энергияси ишлаб чиқариши мумкин. Тадқиқот Юньнань университети мутахассислари томонидан ўтказилди. Унинг натижалари Joule илмий журналида чоп этилди. Олимлар перовскитли қуёш элементларидан фойдаланишди. Улар сувга энг яхши кириб борадиган кўк-яшил нурга мўлжалланган. Лабораторияда қайта ишлаш самарадорлиги […]
Хитойлик олимлар илк бор 10 метр чуқурликда қуёш панелларини синовдан ўтказишди
Хитойлик олимлар илк бор очиқ денгизда 10 метр чуқурликда қуёш элементларини синаб кўришди. Тажриба тизимнинг ҳатто сув остида ҳам электр энергияси ишлаб чиқаришга қодирлигини кўрсатди.
Тадқиқот Юньнань университети мутахассислари томонидан амалга оширилди. Унинг натижалари Joule илмий журналида чоп этилди.
Ишда олимлар перовскитли қуёш элементларидан фойдаланишди. Улар сувдан энг яхши ўтадиган кўк-яшил нурга мўлжалланган. Лаборатория шароитида энергияни қайта ишлаш самарадорлиги деярли 35% га етди.
Шундан сўнг, тизим Жанубий Хитой денгизидаги Вэйчжоу ороли яқинида синовдан ўтказилди. Қуёш элементлари 2, 6 ва 10 метр чуқурликка ўрнатилди.
Тизим энг кўп энергияни 2 метр чуқурликда ишлаб чиқарди — 1416 милливатт-соат. 6 метр чуқурликда бу кўрсаткич 752 милливатт-соатни, 10 метр чуқурликда эса 324 милливатт-соатни ташкил этди.
Барча ҳолатларда олинган энергия аккумуляторларни қувватлаш ва светодиодли лавҳани ёқиш учун етарли бўлди.
Олимларнинг фикрига кўра, келажакда бундай технологиядан сув ости алоқа тизимлари, камералар, датчиклар ва бошқа автоном қурилмаларни энергия билан таъминлашда фойдаланиш мумкин бўлади.