Хитойда битта вокзал бир кунда миллион йўловчига хизмат кўрсатди
Хитойнинг Гуанчжоу жанубий вокзали 1-октабр куни бир миллион йўловчига хизмат кўрсатиб, янги рекорд қайд этди. Тиғиз вақтларда юқори тезликдаги поездларни жўнатиш оралиғи 40 сониягача қисқарган.
Хитойда бир вокзал бир кунда миллион йўловчига хизмат қилди
Накед Ссиенсе нашри Соутҳ Чина Морнинг Пост маълумотларига таянган ҳолда ёзишича, йўловчилар оқимининг кескин ортиши Хитой Халқ Республикаси ташкил топган кун муносабати билан байрам сафарларига талаб кучайгани билан изоҳланади.
Мамлакатдаги энг йирик темирйўл тугунларидан бири саналадиган Гуанчжоу жанубий вокзали бир суткада 1252 та поездга хизмат кўрсатган. Бу 24 соат ичида ўртача ҳар соатда 52 тадан ортиқ поезд дегани.
Энг тиғиз вақтларда поездларни жўнатиш оралиғи 40 сониягача қисқарган. Ушбу кўрсаткич вокзал миқёсидаги қатновларга тегишли.
Ўша куни Хитой темирйўл тармоғида ҳам рекорд қайд этилган — бир суткада 25,2 миллион йўловчи қатнови амалга оширилган.
Чина Стате Раилвай Гроуп давлат темирйўл корпорацияси сентабр охиридан октабр бошигача бўлган даврда жами 284 миллион йўловчи қатновини кутган. Бу рақам алоҳида одамлар сонини эмас, балки амалга ошириладиган сафарлар сонини билдиради.