Хиаоми “иккинчи қават” ва поли иситиладиган йўлтанламасни тақдим этди
Хиаоми “иккинчи қават” ва поли иситиладиган йўлтанламасни намойиш қилди
Хиаоми компанияси йирик гибрид йўлтанламас Скйномад Н90 Мах автомобилини ҳамда унинг сайёҳлар учун мўлжалланган Эхплорер Эдитион талқинини тақдим этди. Ушбу версиянинг асосий ўзига хослиги кузовга ўрнатилган кўтарилувчи томдир: тўхташ вақтида у автомобилни максимал шифт баландлиги 2,29 метр бўлган икки қаватли маконга айлантиради.
Юқори майдонча тахминан икки квадрат метр жой эгаллайди ва 200 килограммгача юкни кўтара олади. У ерда алоҳида иқлим тизими, ёритиш ҳамда қурилмаларни қувватлантириш учун разъёмлар мавжуд. Йиғилган ҳолатда механизм автомобил баландлигини 100 мм га оширади, аеродинамик қаршилик коеффициенти эса 0,245 ни ташкил этади.
Шу тузилма сабаб Эхплорер Эдитион одатий Н90 Махъдан фарқли равишда етти эмас, беш кишига мўлжалланган. Орқа ўриндиқлар электрон механизм ёрдамида йиғилиб, 1,87×1,24 метр ўлчамдаги каравотга айланади — бунинг учун уларни ечиб олиш талаб этилмайди. Пол ёғоч текстурали алюминий билан қопланган ва 38 °С гача иситиш тизими билан жиҳозланган.
Ҳар икки версия умумий қуввати 310 кВт бўлган иккита электромотор, сиғими 76 кВт⋅соат бўлган аккумулятор ва 60 литрли ёнилғи баки билан таъминланган. Оддий Н90 Мах модели Хитойнинг СЛТС сикли бўйича фақат электрда 464 км юради, умумий юриш захираси эса 1705 км га етади. Эхплорер Эдитионъда бу кўрсаткич бироз пастроқ — 1688 км. Иккала модел ҳам 100 км/соат тезликка 5,9 сонияда чиқади.
Салонда ҲйперОС тизими ишлайди ва у проексион экран, марказий дисплей ҳамда орқа ўриндиқ йўловчилари учун мониторлар каби олтитагача дисплейни қўллаб-қувватлайди. Бундан ташқари, тўққиз литрли компрессорли музлаткич ва 25 та карнайли аудиотизим ҳам мавжуд.
Ҳар иккала версия учун буюртмалар қабул қилинмоқда, етказиб бериш эса 2026-йил ноябр-декабр ойларида бошланиши режалаштирилган. Скйномад Н90 Мах нархи 269 900 юан (≈40 минг доллар), Эхплорер Эдитион эса 299 900 юан (≈45 минг доллар) деб баҳоланган. Тўплам учун кузовнинг еттита ранги таклиф этилади: тўқ қизил, яшил, кўк, кулранг, хаки, оқ ва қора.