Wildberries Ўзбекистонда 140 миллион долларга йирик логистика мажмуасини қуради
Wildberries Ўзбекистонда 140 миллион долларлик йирик логистика мажмуасини қуради
Тошкент вилоятида замонавий Wildberries логистика хаби ташкил этилади. Россия маркетплейси ва Ўзбекистон Инвестициялар, саноат ва савдо вазирлиги лойиҳани амалга ошириш бўйича келишув имзолади.
Ҳужжат 6 октябрь куни Фарғонада бўлиб ўтган Ўзбекистон ва Россия ҳудудларининг III Кенгаши якунлари бўйича имзоланди. Учрашувда Ўзбекистоннинг барча вилоятлари ва Россиянинг 17 та ҳудуди вакиллари, шунингдек, икки давлатдан 400 га яқин тадбиркор иштирок этди.
Wildberries лойиҳасини 2027–2028 йилларда Тошкент вилоятида амалга ошириш режалаштирилган. Гап 180 минг квадрат метр майдонга эга замонавий мажмуа ҳақида бормоқда. Инвестициялар ҳажми 140 миллион долларга баҳоланмоқда.
Форум якунлари бўйича жами тўртта келишув имзоланди. Улардан бири Wildberries логистика мажмуаси қурилиши билан боғлиқ. Қолган келишувлар Фарғона ва Омск вилоятлари, Сурхондарё вилояти ва Красноярск ўлкаси, шунингдек, Наманган вилояти ва Доғистон ўртасидаги ҳамкорликка тааллуқлидир.
Аввалроқ Wildberries матбуот хизмати ўз вакилларининг «UzPost» миллий почта оператори кузатув кенгаши таркибига киритилганига изоҳ берган эди.