ВЕОН Ўзбекистондаги Перфестум мобил операторининг 100 фоизини 207 млн долларга сотиб олишга келишиб олди

ВЕОН Ўзбекистондаги Перфестум мобил операторининг 100 фоизини 207 млн долларга сотиб олишга келишиб олди

Халқаро ВЕОН телекоммуникация холдинги Ўзбекистонда Перфестум бренди остида фаолият юритаётган Рубисон Вирелесс компаниясининг 100 фоиз улушини харид қилиш бўйича келишув имзолади. Бу ҳақда компания 19-октабр куни эълон қилган хабарида маълум қилди.

Битимнинг умумий қиймати қарийб 207 миллион долларни ташкил этади. Ушбу суммага Перфестумънинг тахминан 93 миллион долларлик тўланмаган молиявий қарздорлигини ўз зиммасига олиш ҳам киради.

Шу тариқа, кўрсатилган сумма нафақат сотиб олинаётган бизнес учун тўланадиган мукофотни, балки унинг қарз мажбуриятларини ҳам қамраб олади.

ВЕОН битимнинг пул қисмини ўзининг мавжуд маблағлари ҳисобидан молиялаштиради. Холдинг маълумотига кўра, зарур тартибга солувчи рухсатномалар аллақачон олинган. Харидни 2026-йил октабр охиригача якунлаш режалаштирилмоқда.

Битим якунида ВЕОН қўшимча радиочастоталар, тармоқ ускуналари ва Перфестумънинг телекоммуникация инфратузилмасига эга бўлади.

Хусусан, оператор активлари 850 ва 3800 МГс диапазонларидаги 115 МГс радиочастота спектрини, шунингдек, Финляндиянинг Нокиа компанияси ускуналари асосида қурилган 5Г Стандалоне (СА) тармоғини ўз ичига олади.

ВЕОН ҳисоб-китобига кўра, ушбу харид Беелине Узбекистанънинг радиочастота ресурслари ҳажмини тахминан 50 фоизга ошириш имконини беради.

Компания янги активлардан амалдаги 4Г/ЛТЕ тармоғининг қамрови ва ўтказувчанлик қобилиятини кенгайтириш, аҳоли ва бизнес учун 5Г хизматлари ҳамда симсиз кенг полосали интернетни ривожлантиришда фойдаланишни режалаштирмоқда.

Бундан ташқари, икки оператор инфратузилмасини бирлаштириш келгусидаги капитал ва операцион харажатларни камайтириши кутилмоқда.

“Ўзбекистон — ВЕОН учун энг муҳим ўсиш бозорларидан бири ва бу харид унинг рақамли келажагига бўлган ишончимизни акс эттиради. Бир-бирини тўлдирувчи частота ва тармоқ активларининг бирлашиши бизга алоқа сифатини яхшилаш ҳамда одамлар ва корхоналар ҳар куни фойдаланадиган рақамли хизматлардан фойдаланиш имкониятини кенгайтиришга ёрдам беради”, — деди ВЕОН гуруҳи бош директори Каан Терзиоглу.

Унинг айтишича, компания инвестицияларни мижозлар тажрибасини яхшилаш, тармоққа киритилган сармоялар самарадорлигини ошириш ва барқарор ўсишни таъминлашга йўналтирмоқчи.

Беелине Узбекистан бош директори Евгений Настрадин Перфестумънинг частота ресурслари операторнинг мавжуд активларини тўлдиришини таъкидлади.

“Бу харид мижозларнинг алоқага бўлган ўсиб бораётган эҳтиёжларини қондириш учун бизга қўшимча ресурслар беради. Перфестумънинг частота спектри бизнинг мавжуд ресурсларимизни тўлдиради ва тармоқ қамрови ҳамда ўтказувчанлик қобилиятини яхшилаш, 5Г хизматларини жорий этиш ва уйлар ҳамда корхоналар учун симсиз кенг полосали уланишни кенгайтириш бўйича режаларимизни қўллаб-қувватлайди”, — деди у.

Настрадиннинг сўзларига кўра, абонентлар учун сезиларли яхшиланишларни таъминлаш мақсадида сотиб олинган активларни самарали интеграция қилиш устувор вазифага айланади.

ВЕОН хабарида битим якунлангач Перфестум бренди сақланиб қолиши ёки қолмаслиги, шунингдек, операторнинг амалдаги абонентларини қандай ўзгаришлар кутаётгани ҳақида аниқлик киритилмаган.

Эслатиб ўтамиз, 18-август куни тадбиркор Фарҳод Мамажонов Хоразм вилоятида президент Шавкат Мирзиёев билан бўлиб ўтган учрашувда ВЕОН билан Ўзбекистондаги телекоммуникация лойиҳасига 200 млн доллар сармоя жалб қилиш бўйича келишувларга эришилганини айтган эди.

Ўшанда ИнфинБанкънинг йирик аксиядори ва Перфестум инвестори бўлган Мамажонов томонлар шартларни июн ойидаёқ келишиб олганини, бироқ шартнома тузиш учун Рақобатни ривожлантириш ва истеъмолчилар ҳуқуқларини ҳимоя қилиш қўмитасининг рухсати кераклигини билдирган эди.

“Июн ойида биз барча келишувларга эришдик, улар 200 млн долларлик инвестиция жалб қилиш бўйича шартномани имзолашга тайёр. Бизга Рақобатни ривожлантириш қўмитасининг хулосасини олишда ёрдам керак”, — деган эди тадбиркор.

Қўмита раиси Халилилло Тўрахўжаев иқтисодий консентрация бўйича битимга дастлабки розилик бериш ҳақидаги ариза 24-июл куни келиб тушганини маълум қилган. Унинг сўзларига кўра, идора мобил алоқа бозорини ўрганиб, қолган масалаларни кўриб чиқаётган эди.

Ўшанда президент Шавкат Мирзиёев бу масаланинг кўриб чиқилишини шахсан назоратга олишга ваъда берган эди.

Газета аниқлашича, гап ВЕОН томонидан Перфестум улушини сотиб олиш ҳақида кетган бўлиши мумкин. Бироқ ўша пайтда бу улушнинг миқдори очиқланмаган эди.

2026-йил июл ойида Рақобатни ривожлантириш қўмитаси Фарҳод Мамажонов томонидан Перфестум операторининг юридик шахси — Рубисон Вирелесс Соммунисатион устав капиталидаги 50 фоиз улушни сотиб олишини маъқуллаган эди.

Август ойида келтирилган давлат реестри маълумотларига кўра, мулкчилик тузилмаси ўзгарганидан сўнг иштирокчиларнинг улушлари қуйидагича тақсимланган:

Перфестум 2024-йил бошида тўлиқ хусусийлаштирилган эди. Бунгача компаниянинг 100 фоизи Абдумалик Иминовга тегишли бўлган.

2024-йил август ойида Фарҳод Мамажонов президентга Британиянинг Водафоне компанияси билан биргаликда Ўзбекистонда 5Г Стандалоне тармоғини ишга тушириш режалари ҳақида маълум қилган эди.

Ўшанда лойиҳага киритиладиган инвестицияларнинг умумий ҳажми 250 млн еврога баҳоланган ва тармоқни 2025-йилнинг биринчи чорагида ишга тушириш кутилган эди.

Ускуна ва технологиялар етказиб берувчиси сифатида Финляндиянинг Нокиа компанияси иштирок этиши керак эди. Тахмин қилинган молиялаштириш ҳажмининг 100 млн евросини Финляндия экспорт агентлиги кўмагида “Ўзсаноатқурилишбанк” орқали, яна 150 млн евросини эса таъсисчилар ҳисобидан жалб қилиш режалаштирилган эди.

Бироқ 2026-йил август ойида Мамажонов Водафоне ўрнига компания ВЕОН билан ишлай бошлаганини маълум қилди.

ВЕОН Ўзбекистон телекоммуникация бозорида 2006-йил сентабридан буён Беелине Узбекистан бренди остида фаолият юритаётган “Унител” МЧЖ орқали ишлайди. Халқаро холдинг аксиялари Американинг Насдақ биржасида сотилади.