Венесуэла мухолифати етакчиси Мария Мачадо бир неча ойлик сургундан сўнг қайтди
Мачадо АҚШ ҳукумати Венесуэла президенти Николас Мадурони қўлга олишидан бор-йўғи бир ой олдин мамлакатни тарк этган эди.
Венесуэла мухолафати арбоби Мария Корина Мачадо 10 ойдан ортиқ сургундан сўнг сиёсий муҳит таранглашган бир вақтда Венесуэлага қайтиб келди.
«Мен шу ердаман. Сизлар биланман», — деб ёзди Мачадо якшанба куни X (собиқ Twitter) тармоғида.
Унинг иттифоқчиси, собиқ президентликка номзод Эдмундо Гонсалес Уррутиа бир неча дақиқадан сўнг бу хабарни тасдиқлаб, шундай пост қолдирди: «Сизларга шуни тўлқинланиш билан маълум қиламанки, етакчимиз, қадрли Мария Коринам Венесуэла заминида».
Январь ойида, Мачадо Норвегияда Нобель тинчлик мукофотини қабул қилиб олиш учун Венесуэлани тарк этганидан бир ой ўтиб, АҚШ унинг рақиби — Президент Николас Мадурони қўлга олди.
Шундан сўнг Трамп маъмурияти унинг ўринбосари Делси Родригесни етакчи сифатида қўллаб-қувватлади ва у вақтинчалик президент сифатида қасамёд келтирди, кейинчалик эса АҚШ билан нефть бўйича келишув имзолади.