Велосипедчи оналар Туркия бўйлаб 1 000 км масофада ёш болаларини тиркамада тортиб боришади
Икки яқин дўст оналик "саргузаштлар тугашини англатмаслигини" кўрсатишга умид қилмоқда.
**Велосипедчи оналар кичкинтойлари билан Туркия бўйлаб 1 000 км масофани босиб ўтади**
Тори Уильямс (ўнгда) болалигида лейкемиядан вафот этган онаси уларнинг "ушбу ажойиб сагузаштдаги энг катта қўлловчиси" бўлишини билишини айтмоқда
Буюк Британиялик икки онa оналик бошланганда саргузаштлар тугаши шарт эмаслигини кўрсатиш учун кичкинтойлари билан Туркия бўйлаб велосипедда саёҳатга чиқмоқда.
Уэльснинг Пеналлт шаҳридан Ванесса Рак ва Глостерширдаги Синдерфорддан Тори Уильямс Leukaemia UK жамғармаси учун маблағ йиғиш мақсадида 25 кун ичида 1 000 км (621 миль) масофани босиб ўтишни режалаштирмоқда.
Уильямс 2000 йилда, бор-yoғи 10 ёшида онасидан лейкемия туфайли айрилган, "Велосипеддаги қиз" лақабли Рак эса 2014 йилда велосипед ҳайдаб кетаётганида машина уриб кетиши оқибатида еттита операцияни бошдан кечирган.
Рак шундай деди: "Биз буни қилмоқчимиз, чунки ҳаёт ҳақиқатан ҳам қисқа, иккаламиз ҳам буни ўз тарихимиздан биламиз — ва юз бериши мумкин бўлган энг ёмон нарса нима? Йўлда жуда узоққа бора олмаслигимиз мумкин, лекин биз ҳаракат қилиб кўрамиз."
Бахтсиз ҳодисадан бери Рак энг оғир йўлсиз жойлардаги мусобақаларда, жумладан, Саҳрои Кабир бўйлаб мотоциклда ўтказилган 6 000 км лик машаққатли 2024 Africa Eco Race мусобақасида иштирок этди.
Аммо унинг айтишича, 2024 йилда она бўлганида ҳаёти яна "кескин" ўзгарган.
"Оналик саргузаштлар тўхташи кераклигини англатмайди. Бу шунчаки саргузаштлар бошқача кўриниш олишини англатади", деди у.
"Шунга кўра, оналик орқали танишган қадрдон дўстим Тори билан биргаликда, кичкинтойларимизни парвариш қилиш билан бир қаторда катта саргузаштни амалга ошириш ғоясини ўйлаб топдик."
Икки дўст 22 ойлик қизи Скайлар ва Уильямснинг икки ёшли ўғли Лео билан биргаликда ҳар қандай об-ҳавода Туркия йўллари ва йўлакларидаги қийинчиликларга, шунингдек, болаларнинг хаприқишларига дуч келишади.
"Биз 21 000 м баландликка эга бўлган 1 000 км лик маршрутни белгиладик — бу Эверест баландлигидан 2,4 баравар юқори дегани ва оёқларимиз тиркамалар, кичкинтойларимиз, палаткаларимиз ва барча жиҳозларимизни тортиб, бизни олдинга ҳаракатлантиради", деди Рак.
"Бизда электрон велосипедлар бор, лекин орқамизда тахминан 40 кг юкни тортамиз — шунинг учун бу жуда катта синов бўлади."
Ванесса Ракнинг айтишича, у ҳали ҳам эмизмоқда, шунинг учун унинг танаси "ҳар куни янада кўпроқ меҳнат қилиши керак"
Электрон велосипедларни атиги бир ҳафта ярим олдин олишгани ва велосипедлар билан "бор-yoғи беш кун" ўтказишганига қарамай, у иккаласи ҳам "жуда қатъиятли онaлар" эканини айтди.
"Биз кутганимиздек кўп велосипед ҳайдамадик", деди у.
"Бизнинг баъзи кунларимиз 39 км дан 80 км гача бўлган масофани босиб ўтишга мўлжалланган — бу Лондон-Брайтон велосипед саёҳатини бир неча кун кетма-кет ва баландликка кўтарилиш билан амалга оширишга ўхшайди.
"Ва мен ҳали ҳам эмизмоқдаман, шунинг учун танам ҳар куни янада кўпроқ меҳнат қилиши керак."
Дўстлар кичкинтойлари тиркамаларда ёки олдинга ўрнатилган болалар ўриндиқларида кетаётган ушбу саёҳат бошқа ота-оналарни ҳам саргузаштнинг ўз версиясини топишга илҳомлантиришига умид қилишмоқда.
"Биз тиркамада уларни овутадиган ўйинчоқлардан тортиб, қандай овқат ва егуликлар тайёрлай олишимизгача ҳамма нарсани режалаштиришимизга тўғри келди", деди у.
"Иккаласи ҳам тувакка ўрганиш босқичидан ўтмоқда — шунинг учун агар ноқулайликлар юз берса, тез қурийдиган шимлар олдик."
Унинг қўшимча қилишича, "энг катта мақсад — болаларда ажойиб хотиралар қолишидир".
Икки қадрдон дўст оналик "саргузаштлар тўхташи кераклигини англатмаслигини" кўрсатишга умид қилмоқда
Бошқа ота-оналарни "фурсатни бой бермасликка" ва "болаларини" ўзлари билан бирга олишга ундаш билан бир қаторда, дўстлар Leukaemia UK учун ҳам маблағ йиғишмоқда.
Онаси 39 ёшида лейкемиядан вафот этган Уильямс ўғлини бу саёҳатга олиб чиқиш нафақат онасининг руҳини шод этиш, балки оддий ҳол деб қараб бўлмайдиган хотираларни яратиш усули эканини айтди.
"Онам ҳаётда интилувчан эди, у дуч келган ҳар бир имкониятдан фойдаланарди ва мен биламанки, у ушбу ажойиб сагузаштда бизнинг энг катта қўлловчимиз бўларди", деди у.