Ва олис йўлга…
Россия ташқи разведкаси раҳбаридан сўнг Афғонистонга Россия ҳукумат делегацияси йўл олади
И олис йўлга…
Яқин орада Афғонистонга Россия Федерацияси вице-премьери Алексей Оверчук бошчилигидаги Россия делегацияси ташриф буюради. Бу ҳақда РФ президентининг Афғонистон бўйича махсус вакили Замир Кабулов маълум қилди.
«Яқинда Россия ҳукумати вице-премьери Алексей Логвинович Оверчук бошчилигидаги катта вакиллик делегациясининг ташрифи айнан шунга [иқтисодий алоқаларни ривожлантиришга] бағишланади», — деди у КХШТ, МДҲ ва ШҲТнинг Марказий Осиё ва Афғонистондаги хавфсизлик масалаларига бағишланган конференциясида.
Олдинроқ хабар берилганидек, 14 октябрь куни Афғонистонга олдиндан эълон қилинмаган амалий ташриф билан РФ Ташқи разведка хизмати (ТРХ) раҳбари Сергей Нарышкин ташриф буюрди, у Афғонистон Ислом Эмирати Бош разведка бошқармаси директори Абдул Ҳақ Васиқ билан музокаралар ўтказди. Бундан олдин эса РФ Хавфсизлик кенгаши котиби ўринбосари Александр Венедиктов Москва ва Қобул «афғонлар билан синтетик гиёҳвандлик моддалари муаммоси бўйича яқиндан ишлаётганини» таъкидлаган эди.