Узтелесом тармоғи модернизацияси: йўлнинг 90 фоизи ортда қолди. Олдинда яна қандай ишлар бор?
Биргина 2026-йилнинг ўзида Узтелесом мамлакат бўйлаб 280 дан ортиқ янги таянч стансияларини ишга туширди. Компания кенг кўламли модернизация ишларини давом эттириб, ускуналарни янгиламоқда, қамров доирасини кенгайтирмоқда ҳамда алоқа барқарорлигини оширмоқда. 2025–2026-йилларга мўлжалланган режанинг қарийб 90 фоизи бажариб бўлинди.
Узтелесом тармоғини модернизация қилишда йўлнинг 90 фоизи босиб ўтилди. Энди яна нималар қилинади?
Абонентлар бунинг самарасини аллақачон сезмоқда — мобил интернет тезлашди. Аммо бу кенг кўламли тармоқ янгиланишининг фақат бир босқичи, холос.
90 фоизлик кўрсаткич нимани билдиради?
Режа асосида таянч стансиялар, уй интернети учун оптик терминаллар, транспорт ускуналари ҳамда маълумотлар марказлари учун серверларни ўрнатиш ва янгилаш назарда тутилган.
Ҳозир республика бўйлаб кенг кўламли ишлар давом этмоқда, деярли ҳар бир туманда янги таянч стансиялари ўрнатилмоқда ёки мавжудлари модернизация қилинмоқда, — дея тасдиқлайди Фарҳод Муҳамадиев.
Жорий йилда 1 931 та обьект модернизация қилинди, мамлакат бўйлаб 280 дан ортиқ янги таянч стансиялари ишга туширилди. Кенг полосали уланиш (КПУ) тармоғи 763 мингдан зиёд абонент портига кенгайтирилди. 2026-йил бошидан буён 4Г трафиги 32 фоизга, 5Г трафиги эса икки баробарга ошди.
Компаниянинг биллинг тизими модернизация қилиниб, 67 фоизга кенгайтирилди ва 20 миллион нафаргача абонент маълумотларини қайта ишлаш қувватига эга бўлди. Халқаро пакетли коммутация марказининг ўтказувчанлик қобилияти эса 5 000 Гбит/с гача етказилди.
Бухоро ва Фарғона вилоятларида маълумотларни сақлаш ва қайта ишлаш марказлари барпо этилди, Тошкент вилоятида эса маълумотлар марказини қуриш ишлари якунланиш арафасида. Халқаро Уптиме Институте томонидан Тиер ИИИ даражаси бўйича сертификатланадиган ушбу обьектлар инфратузилмасининг умумий сиғими 100 Пбайтга тенг.
Бу режа янада йирик иккита дастурнинг таркибий қисмидир. Биринчиси (2022–2026-йиллар) транспорт тармоғи, халқаро маълумотлар алмашинуви узели ҳамда маълумотлар марказларини янгилашга йўналтирилган. Иккинчиси эса деярли бутун инфратузилмани — транспорт алоқа тармоғи, мобил алоқа, кенг полосали интернет тармоғи ҳамда ҳудудлар ўртасида маълумотлар узатиш каналларини қамраб олади. Ушбу лойиҳа 2025–2030-йилларга мўлжалланган.
Буларнинг барчаси “Ўзбекистон - 2030” миллий стратегиясининг бир қисми бўлиб, унинг доирасида мамлакатимиздаги барча аҳоли пунктларини кенг полосали интернет тармоғига улаш имконияти таъминланиши керак, — дея таъкидлади Ривожланиш департаменти директори ўринбосари Алишер Асилов.