Узтелесом СуперАпп Ҳамроҳъни тақдим этди: навигатор, автопарк ва уй бир ойнада
Узтелесом ИСТ Веек кўргазмасида шаҳар бўйлаб навигация, корпоратив автопаркни бошқариш, коммунал хизматлар ва микромобилликни бир жойда жамлаган СуперАпп Ҳамроҳ иловасини намойиш этди.
Узтелесом Ҳамроҳ СуперАппъни тақдим этди: навигатор, автопарк ва уй битта ойнада
Ҳар қандай навигатор маршрутни мавжуд маълумотлар ва тахминларга таянган ҳолда тузади. Кўчада автомобиллар секинлашганини кўриб, у тирбандлик юзага келган деган хулосага келади. Аммо чорраҳада айнан нима бўлаётганини у билмайди — светофор унинг учун ҳам, уч квартал нарида турган ҳайдовчи учун ҳам кўринмас обьект ҳисобланади. Ҳамроҳ эса бошқача ишлайди: у ушбу светофорларни бошқарадиган тизимга уланган.
Тошкентда йўл инфратузилмасини рақамлаштириш ишлари олиб борилмоқда. Ҳаракатни бошқаришнинг ягона тизимига 938 та светофор контроллеридан 442 таси, 2652 та транспорт светофори ва 1326 та устун аллақачон уланган. Ускуналарнинг бир қисмини бутунлай алмаштиришга тўғри келади: эски светофорлар на маълумот узата олади, на буйруқларни қабул қилади, улар фақат сонияларни санайди, холос.
Рақамли чорраҳа жадвал бўйича эмас, балки вазиятга қараб ишлайди: тизим ҳар бир йўлакда нечта машина турганини кўради ва сигналларни ўзи ўзгартиради. Бундан ташқари, тизим шаҳарда содир бўлган ҳодисани эртаси кунги ҳисоботда эмас, балки у юз бериши билан дарҳол кўриш имконини беради.
«Ушбу тизим реал вақт режимида бутун шаҳар бўйлаб транспорт оқимларини назорат қилиш ва оптималлаштириш, тирбандликларнинг олдини олиш ва шу орқали йўл ҳаракатини бошқариш имконини беради. Масалан, жамоат транспорти, тез ёрдам ва ўт ўчириш машиналарига устуворлик берган ҳолда, маҳаллий даражада маълум бир чорраҳани назорат қилиш мумкин», - деди ТелесомСофт директори ўринбосари Рамиз Мингазов.
Ҳамроҳ фақат тирбандликларни эмас, балки ҳақиқий йўл вазиятини — йўллардаги юклама, йўл-транспорт ҳодисалари ва светофорларнинг ишлаш ҳолатини ҳам кўрсатади. Сиз нафақат қаерда ҳаракатланиш қийинлашганини, балки энг яқин чорраҳада яшил чироқ ёнишига қанча вақт қолганини ҳам кўрасиз.
Катта автопаркни қўлда самарали бошқариб бўлмайди. Ҳамроҳ Б2Б кабинети барча маълумотларни битта экранда жамлайди: қайси машинага суғурта кераклиги, қайси бирининг техник кўрикдан ўтиш вақти келгани, қандай тўловларни амалга ошириш кераклиги ва ҳозир нималарга эътибор қаратиш лозимлиги. Битта машинадан тортиб мингтагача бўлган бутун автопаркни муддатларни ўтказиб юбормасдан ва ортиқча хатоларсиз назорат қилиш мумкин.