Узбекистан Аирпорц ва Мй Фреигҳтер э-соммерсе учун йўналиш йўлга қўйди
Uzbekistan Airports ва My Freighter Хитойдан Европага e-commerce юкларини етказиб бериш учун Тошкент орқали мультимодал йўналишни йўлга қўйди.
Узбекистан Аирпорц ва Мй Фреигҳтер э-соммерсе учун йўналиш йўлга қўйди
Uzbekistan Airports My Freighter юк авиакомпанияси билан биргаликда Хитойдан Европа мамлакатларига электрон тижорат юкларини «Тошкент» халқаро аэропорти орқали етказиб бериш бўйича мультимодал лойиҳани бошлади.
Янги йўналиш автомобиль ва ҳаво ташувларини ягона логистика занжирига бирлаштирувчи Truck-to-Air схемаси бўйича ишлайди. Хитойнинг турли шаҳарларидан юклар аввал автотранспортда Тошкентга олиб келинади ва бу ерда зарур ишлов бериш жараёнларидан ўтади. Сўнгра улар ҳаво транспорти орқали Бельгиядаги Льеж халқаро аэропортига жўнатилади.
Лойиҳа 2026 йил 22 августда ишга туширилди. Ҳозирги вақтда унинг доирасида еттита юк рейси амалга оширилди.
Кейинги босқичда ташувлар частотасини ҳафтасига тўрт-олтита рейсгача ошириш режалаштирилган. Бунда ҳар бир ҳаво кемасининг юкланиши тахминан 50 тоннани ташкил этади. Агар режалаштирилган частотага чиқилса, ташувлар ҳажми ҳафтасига 200–300 тонна электрон тижорат юкларини ташкил этиши мумкин.
Uzbekistan Airports юк ташиш фаолияти бўлими бошлиғи Камолиддин Бухоров ушбу лойиҳа Тошкентнинг Осиё ва Европа ўртасидаги мультимодал хаб сифатидаги транзит салоҳиятини ишга солиш имконини беришини таъкидлади.
«Авиация ва ер усти ташувларини бирлаштирган ҳолда, биз Хитойнинг энг йирик электрон тижорат марказларини Европа бозорлари билан боғлайдиган самарали логистика йўналишини яратмоқдамиз», — деди у.
Унинг сўзларига кўра, лойиҳанинг амалга оширилиши Ўзбекистоннинг транзит салоҳиятини янада ривожлантиришга ва Тошкентнинг халқаро логистикадаги мавқеини мустаҳкамлашга хизмат қилади.