УзАуто Моторс сотилади. Эҳтимолий харидор ким бўлиши мумкин?
УзАуто Моторс тўлиқ хусусийлаштирилади. Давлат активларини бошқариш агентлиги тендер эълон қилишни режалаштиряпти. Компания ҳозирда Чевролет бренди остида автомобиллар ишлаб чиқаради ва технологик жиҳатдан ГМ лицензиялари ҳамда бутловчи қисмларига боғланган. Шу жиҳатдан эҳтимолий харидор Америка компанияси билан бирга ишлайдиган ташкилотлардан бири бўлиши мумкинлиги тахмин қилиняпти.
УзАуто Моторс сотувга чиқарилади. Эҳтимолий харидор ким бўлиши мумкин?
Повертраинъдаги давлат улушларини хусусийлаштириш бўйича тендер эълон қилинади. Бу ҳақда 17-сентабр куни агентлик директори ўринбосари Алишер Миралиев халқаро Сбондс конференсиясида маълум қилди.
«Тез орада иккита давлат компанияси - УзАуто Моторс ва УзАуто Моторс Повертраин бўйича тендер эълон қиламиз», - деган Давактив директори ўринбосари.
2026-йил учун мўлжалланган хусусийлаштириш дастурида ҳам ушбу икки компаниядаги давлат улушларини сотишни тезлаштириш белгиланган эди. Бунда Алварез & Марсал консалтинг фирмаси ушбу жамиятларни хусусийлаштириш стратегиясини ишлаб чиқади ва савдо жараёнларини ташкил этади. Яқин тўрт ой ичида компанияларнинг инвестицион, ишлаб чиқариш ва молиявий ҳолати бўйича материаллар тайёрланиши керак.
Маълумот учун, 2025-йилнинг апрел ойидаги президент қарорида йил якунигача УзАуто Моторс (99,7 фоиз) ва УзАуто Моторс Повертраин (100 фоиз)ни хусусийлаштириш бўйича халқаро консултантларни жалб этиш кўзда тутилганди. 2026-йилнинг биринчи чорагида эса оммавий савдолар эълон қилиниши керак бўлган.
Эслатиб ўтамиз, 2023-йилнинг бошида УзАуто Моторсънинг ИПЎси ўтказилганди. Савдолар якунига кўра, компания инвесторлардан 56,9 млрд сўм жалб этишга эришди. Бироқ миллий автомобил ишлаб чиқарувчисининг аксияларига талаб кутилганидан анча паст бўлди. Дастлаб, УзАуто Моторс аксиялар пакетининг 10 фоизгача қисмини маҳаллий фонд бозорида оммавий жойлаштириш кўзда тутилганди.