УФС Оқ уй олдида ўтказилган турнирда қанча зарар кўргани маълум бўлди
УФС Оқ уй олдидаги мусобақадан кўрилган зарарни ошкор қилди
УФС аксияларига эгалик қилувчи “ТКО Гроуп Ҳолдингс” компанияси раҳбарияти инвесторларга “УФС Фреедом 250” турниридан қарийб 30 миллион доллар миқдорида зарар кўрганини тасдиқлади. Ушбу мусобақа 14-июн куни Оқ уй олдида АҚШ президенти Доналд Трамп иштирокида бўлиб ўтган эди.
СБ Натион нашри компаниянинг молия директори Эндрю Шлаймернинг сўзларидан иқтибос келтирди:
“Турнир ўзига хос форматда ўтказилгани сабабли бизга салкам 30 миллион доллар зарар келтирди. Натижада, нафақат УФС йўналишидаги, балки бутун компания миқёсидаги фойдамиз сезиларли даражада камайиб кетди”.
Шлаймернинг таъкидлашича, компания бу сафар одатдагидан анча кўп харажат қилган. Гарчи бу харажатларнинг бир қисми ҳамкорлик келишувлари эвазига қопланган бўлса-да, мазкур мусобақа учун чипталар умуман сотувга чиқарилмагани молиявий йўқотишларга сабаб бўлган.
Эслатиб ўтамиз, ушбу ўзига хос УФС турнири 14-июн куни — АҚШ ташкил топганининг 250 йиллигига бағишлаб Оқ уй майсазорида ташкил этилган эди. Қолаверса, тадбир айнан шу куни ўзининг 80 ёшли юбилейини нишонлаган мамлакат президенти Доналд Трампнинг туғилган кунига тўғри келган.