Туркиядаги лицей олдида 15 ёшли ўқувчи отишма содир этди, 8 киши жароҳатланди
Туркиянинг Маниса провинсиясидаги лицей олдида 15 ёшли ўсмир ов милтиғидан ўқ узди. Оқибатда 14−17 ёш оралиғидаги 8 нафар ўқувчи яраланди, икки нафарининг аҳволи оғир. Қочишга уринган ҳужумчи қўлга олинди.
Туркиядаги лицей олдида 15 ёшли ўқувчи отишма уюштирди, 8 киши жароҳат олди
Туркиянинг Маниса провинсияси Тургутлу туманида жойлашган “Инжи Узмез” касб-ҳунар ва техник Анадолу лицейи олдида тахминан соат 08:00 да ов милтиғидан ўқ узилган, деб хабар бермоқда.
Дастлабки маълумотларга кўра, гумонланувчи 15 ёшли мактаб ўқувчиси бўлган. Қайд этилишича, 8 нафар ўқувчи жароҳатланган, улардан 2 нафари оғир аҳволда. Жабрланганлар 14 ёшдан 17 ёшгача бўлган ўсмирлардир.
Отишмадан кейин ҳужумчи қочишга уринган, бироқ қўлга олинган.
2026-йил апрел ойида Туркиянинг Шанлиурфа ва Каҳраманмараш ҳудудларидаги мактаб ва лицейда отишма содир этилганди. Биринчи воқеада 16 киши жароҳатланган бўлса, иккинчисида 9 киши ҳалок бўлган ва 13 киши жароҳат олганди.
Бу ҳодисалардан кейин Туркияда таълим вазирининг истеъфосини талаб қилиб намойишлар ўтказилган, шунингдек, расмийлар мактабларда ҳужумлардан сўнг хавфсизлик чоралари кучайтирилганини билдирган.