Туркияда эркак сунъий интеллектда Эрдўғон суратини ясагани учун ҳибсга олинди
Туркияда эркак сунъий интеллектда Эрдўғон суратини ясагани учун ҳибсга олинди
Туркия пойтахти Анқарада 53 ёшли Меҳмет Чакмак сунъий интеллект ёрдамида тайёрланган суратлар туфайли қўлга олинди. У ўз суратини мамлакат президенти Ражаб Тоййиб Эрдўғон ҳамда адлия вазири Акин Гурлек суратлари ёнига қўйиб, уларни ВҳацАпп профилида улашган.
Амалдорлар билан алоқаси бор деган таассурот уйғотмоқчи бўлган
Анқара Бош прокуратураси олиб бораётган суриштирувларга кўра, гумондор бу ҳаракати орқали ўзини юқори лавозимли амалдорлар билан яқин алоқадор ва таъсирга эга шахс сифатида кўрсатишга уринганликда гумон қилинмоқда.
Эркак Анқаранинг Кечиорен туманидаги уйида қўлга олинди. Маълум бўлишича, Меҳмет Чакмак аввалроқ тўртта алоҳида жиноят бўйича судланган.
Анқара Бош прокуратураси берган расмий баёнотда шундай дейилади:
“Гумондор Меҳмет Чакмак сунъий интеллект ёрдамида яратилган деб тахмин қилинган президент Ражаб Тоййиб Эрдўғон ҳамда адлия вазири Акин Гурлек билан тушган суратларини ўз расми билан бирга ВҳацАпп статусида эълон қилгани аниқланди”.
Ҳозирда унга нисбатан таъсир ўтказишга уриниш ҳамда аҳоли орасида ваҳима ёки саросимага сабаб бўладиган ёлғон маълумотларни тарқатиш моддалари бўйича тергов олиб борилмоқда.