Турк актёри Мурат Йилдирим иккинчи марта ота бўлди
Туркиянинг машҳур актёри Мурат Йилдирим иккинчи бор ота бўлди.
Туркиялик таниқли актёр Мурат Йилдиримнинг оиласида иккинчи фарзанд дунёга келди. Бу хабарни туркиялик журналист Бирсен Алтунташ маълум қилди.
Хабарларга кўра, актёрнинг рафиқаси Иман Албани ўғил фарзандни дунёга келтирган ва унга Керем деб исм қўйилган. Турк оммавий ахборот воситаларининг ёзишича, ҳозирда она ва боланинг саломатлиги яхши, яқин кунларда улар шифохонадан жавоб берилади.
Маълумот учун, Мурат Йилдирим ва Иман Албани 2016-йилда турмуш қурган. Керем эр-хотиннинг иккинчи фарзандидир. Уларнинг 2022-йил октябр ойида туғилган Мирай исмли қизи бор.
Актёр аввалроқ оталик уни анча ўзгартиргани ва масъулиятини оширганини билдирган. Жуфтликнинг ҳомиладорлик ҳақидаги хабарни тўққиз ой давомида жамоатчиликдан сир сақлашга муваффақ бўлгани айтилмоқда. Актёр жорий йилнинг 12-август куни ўзининг ижтимоий тармоқдаги саҳифасида рафиқасининг ҳомиладорлик даври акс этган суратларни эълон қилган эди.