«Трахйс» компанияси Ўзбекистонда минералларни қайта ишлаш лойиҳаларини амалга ошириши мумкин
Шавкат Мирзиёев «Трахйс» раҳбари Марк Кристофф билан учрашувда муҳим минераллар, хомашёни чуқур қайта ишлаш ва
«Трахйс» компанияси Ўзбекистонда минералларни қайта ишлаш лойиҳаларини амалга ошириши мумкин
Бугун, 19-октабр куни Ўзбекистон Президенти Шавкат Мирзиёев «Трахйс» компанияси бош ижрочи директори Марк Кристоффни қабул қилди.
Учрашувда ўзаро манфаатли ҳамкорликни янада кенгайтириш масалалари муҳокама қилинди. Ўтган бир йил ичида компания билан ҳамкорлик янги босқичга чиққани, жумладан, битимлар имзолангани ва Тошкентда «Трахйс»нинг Марказий Осиёдаги илк минтақавий офиси очилгани қайд этилди.
Суҳбат давомида Америка технологиялари асосида муҳим минераллар ва хомашёни чуқур қайта ишлаш, шунингдек, юқори қўшилган қийматга эга саноат маҳсулотларини ишлаб чиқаришга қаратилган қўшма лойиҳаларни амалга ошириш масаласига алоҳида эътибор берилди.
«Трахйс» муҳим хомашё ва минералларни етказиб бериш бўйича дунёдаги етакчи компаниялардан бири саналади. Компания 20 дан ортиқ мамлакатда фаолият юритиб, металлар ва минералларни харид қилиш, уларнинг логистикасини йўлга қўйиш, молиялаштириш ҳамда сотиш билан шуғулланади.