Трампнинг куёви Исроилга ташриф буюради
Трампнинг куёви Исроилга сафар қилади
АҚШ президенти Доналд Трампнинг куёви Жаред Кушнер келгуси ҳафта Исроилга боради. Бу ҳақда Блоомберг агентлиги хабар берди.
Кушнер ташрифи давомида Ғазо секторидаги вазиятни муҳокама қилади. Унинг сафари Исроил бош вазири Бинямин Нетаняху АҚШнинг 15 банддан иборат тинчлик режасини рад этганидан сўнг амалга оширилмоқда. Тинчлик режаси ҲАМАСни қуролсизлантириш, Ғазо секторини Фаластиннинг янги ҳукуматига топшириш ва Исроил ҳарбийларини ҳудуддан тўлиқ олиб чиқишни назарда тутади.
"Кушнер Ғазо режасини муҳокама қилиш учун Яқин Шарқнинг бошқа мамлакатларига ҳам ташриф буюриши мумкин", деди америкалик аноним расмий.
Яна бир манба Трампнинг куёви Миср, Қатар ва Туркиянинг Ғазо бўйича воситачилари билан ҳам учрашишини маълум қилди. Нетаняху 9-август куни Вазирлар маҳкамасининг ҳафталик йиғилишида ҲАМАС қуролсизлантирилмагунча Исроил мудофаа кучлари Ғазони тарк этмаслигини айтди. ҲАМАС эса Исроил ўз қўшинларини олиб чиқса ва Фаластин давлати ташкил этилса, Ғазодаги янги маъмуриятга қуролларини топширишини билдирган.
Янги маъмурият айрим фаластинликларга ўқотар қуролларини сақлаб қолиш ҳуқуқини бериши кутилмоқда. Трампнинг тинчлик режасидаги дастлабки ўт очишни тўхтатиш босқичига 2025-йил октабр ойида эришилганди.