Трамп уçинçи президентлик муддатига номзодини қöйиşи мумкинлигини айтди
«Яна номзодимни қöйиşга ҳақлиман», - деди Доналд Трамп Аёвадаги республикаçилар митингида. АҚŞ президенти бу фикрини 2020-йилги сайловда ğалаба қозонгани ҳақидаги даъвоси билан асослади, гарçи Конституция президентликни икки муддат билан çекласа-да.
Трамп учинчи президентлик муддатига номзодини қўйиши мумкинлигини айтди
АҚШ президенти Доналд Трамп ўз номзодини учинчи ваколат муддатига илгари суриш ғоясини яна бир бор қўллаб-қувватлади. Аёва штатидаги республикачиларнинг сайловолди митингида у «номзодини қайта қўйишга ҳақли» эканини айтди, деб ёзди
Дастлаб Трамп АҚШ Конституциясининг ХХИИ моддаси президентлик лавозимини икки мартадан ортиқ эгаллашни тақиқлашини тан олди. «Афсуски, у жуда лўнда ёзилган. Бу ерда бошқача талқин қилишга деярли ўрин йўқ», - деди у. Шунга қарамай, деб сўзида давом этди сиёсатчи, ўзининг ҳолати бундан мустасно, чунки у гўёки президентлик сайловида аллақачон уч марта ғалаба қозонган. Бу ўринда Трамп Жо Байдендан енгилганини ҳануз тан олмай келаётган 2020-йилги сайловни назарда тутган.
«Улар бизни иккинчи марта ғирромлик қилиб ютишди, аслида биз уч марта ғалаба қозонганмиз, шунинг учун яна номзодимни қўйишга ҳақлиман деб ўйлайман. Мени алдашгани учун ҳам номзодимни қайта қўйишга ҳаққим бор деб ҳисоблайман», - деб ўз мантиқини тушунтирди Қўшма Штатларнинг 45- ва 47-президенти.
Трамп Оқ уйга қайтганидан сўнг учинчи марта қайта сайланиши мумкинлиги мавзусини бир неча бор кўтарган. Вазиятга қараб, у гоҳ гапни ҳазилга буради, гоҳ бундай даъволарини инкор этади, гоҳида эса маълум шартлар билан бунга йўл қўяди.
АҚШ тарихида икки муддатдан ортиқ ўз лавозимида қолган ягона президент Франклин Делано Рузвелт (1930–1945-йилларда фаолият юритган) эди. Ўша пайтда америкалик сиёсатчиларга бундай йўл тутишга қонунлар эмас, балки биринчи президент Жорж Вашингтон хотирасига эҳтиром сифатида шаклланган анъанагина тўсқинлик қиларди. Шунга қарамай, Рузвелт вафотидан сўнг, Конгресс ва штатлар 1947–1951-йилларда федерал Конституцияга бир кишининг икки муддатдан ортиқ президент бўлиб қолишини қатъиян тақиқловчи ХХИИ тузатишни қабул қилди.