Трамп СИ сиёсатини назорат қилиш учун «Супер интеллект кучлари» ташкил этилишини эълон қилди
Президент технология бўйича хавотирлар кучайиб бораётган бир пайтда, ишчи гуруҳга миллий разведка раҳбари бошчилик қилишини маълум қилди.
Трамп СИ сиёсатини назорат қилиш учун «Супер интеллект кучлари» ташкил этилганини эълон қилди
АҚШ Президенти Дональд Трамп сунъий интеллект бўйича янги ишчи гуруҳ тузганини ва унга Миллий разведка директори Жей Клейтон раҳбарлик қилишини маълум қилди.
Ишчи гуруҳ таркибида, шунингдек, Федерал савдо комиссияси раиси Эндрю Фергюсон ва Мудофаа вазирининг тадқиқотлар ва муҳандислик бўйича ўринбосари Эмил Майкл ҳам фаолият юритади.
Ўтган ҳафта Трамп етакчи технология компаниялари раҳбарлари ушбу технологияни тартибга солиш бўйича ўз таъбири билан айтганда «маънавий жиҳатдан мажбурий» пактни имзолаганларидан сўнг, СИ хавфсизлигини назорат қилувчи кенгаш тузишини айтган эди.
30 сентябрь куни президент СИ (AI) номини «супер интеллект» (super intelligence) деб ўзгартириш тўғрисидаги фармонни ҳам имзолади. Бундан аввал у «сунъий» сўзи технологияни «сохта» қилиб кўрсатишини айтган эди.
Айрим етакчи технология намояндалари янги терминни қўллашни бошлаб юборишди. Жумладан, мультимиллиардер Илон Маск ижтимоий тармоқда ўз компаниясининг SpaceXAI СИ платформасини SpaceXSI деб қайта номлашини маълум қилди.