Трамп Онтарио кўлини «Америка кўли» деб қайта номлади
АҚШ президенти Доналд Трамп 27-август куни Онтарио кўлини «Америка кўли» (Лаке Америса) деб қайта номлаш тўғрисидаги фармонни имзолади.
Трамп Онтарио кўлини «Америка кўли» деб ўзгартирди
Доналд Трамп Оқ уйда журналистлар иштирокида ҳужжатни имзолаб, Онтарио кўлини «Америка кўли» деб қайта номлади. Бу жараён Оқ уй томонидан жонли эфирда намойиш этилди.
Трампнинг таъкидлашича, янги ном дарҳол кучга киради. Журналистлардан бири президентдан кўлни қайта номлаш орқали Канадага қандай хабар бермоқчи эканлигини сўраганида, Трамп «Ҳеч қандай» деб жавоб берди.
Онтарио кўли Шимолий Америкадаги бешта Буюк кўлдан бири бўлиб, Канада ва АҚШ чегарасида жойлашган. У Буюк кўллар орасида энг шарқда жойлашган ва майдони бўйича энг кичиги ҳисобланади: унинг майдони қарийб 19 минг квадрат километр, ўртача чуқурлиги 86 метр, энг чуқур нуқтаси эса тахминан 244 метр. Канаданинг марказидаги энг зич аҳоли яшайдиган ва иқтисодий жиҳатдан ривожланган провинсия ҳам шу кўл номи билан аталади.
Америка етакчиси кўлни қайта номлаш режасини икки кун аввал ўзининг Трутҳ Сосиал ижтимоий тармоғида эълон қилган эди. Унинг сўзларига кўра, бу АҚШнинг Онтарио билан бизнес юритишни давом эттириш ниятида эмаслиги билан боғлиқ. Ўшанда АҚШ президенти Канада раҳбариятини «масхарабозлар» деб атаб, агар Оттава Вашингтонга нисбатан ҳозирги сиёсатини давом эттирса, бу оқибатларга олиб келиши билан таҳдид қилган.
Бундан бироз аввал Трамп 2027-йил январ ойидан бошлаб Канададан келтириладиган барча енгил ва юк автомобилларига, автомобил эҳтиёт қисмларига ҳамда пўлатга 50 фоизлик бож жорий этилишини эълон қилганди.
Трамп 2025-йил 20-январида, ўзининг иккинчи президентлик муддатининг биринчи кунида Мексика кўрфазини (Гулф оф Мехисо) Америка кўрфази (Гулф оф Америса) деб қайта номлаш тўғрисида фармойиш имзолаган эди. Ушбу қарор кўрфаз номининг АҚШ федерал органлари томонидан расман қўлланилишига татбиқ этилади.
Шу билан бирга, Трамп бутун сув ҳавзасининг халқаро номини бир томонлама ўзгартира олмади. Мексика, кўплаб халқаро ташкилотлар ва ОАВ сингари, «Мексика кўрфази» номидан фойдаланишда давом этмоқда.