Трамп даврида АҚŞдаги бензин нархи Байден давридаги кöрсаткиçдан оşиб кетди
Доналд Трамп президентлиги даврида АҚŞда бензиннинг öртаçа нархи Жо Байденнинг тöрт йиллик боşқарувидаги кöрсаткиçдан оşиб кетди. Дизел ҳам қимматлаşган, ёқилğи нархлари эса оралиқ сайловлар арафасида Трамп уçун сиёсий муаммога айланмоқда.
Трамп даврида АҚŞдаги бензин нархи Байден давридагидан ҳам юқорилаб кетди
Доналд Трамп собиқ президент Жо Байденни Украинадаги урушдан тортиб АҚŞдаги қимматчиликкача бўлган барча муаммоларда бир неча бор айблаган эди. Аммо Трамп Оқ уйга қайтганига икки йил ҳам тўлмасдан, унинг давридаги автомобил ёқилғисининг ўртача нархи ўтмишдошининг тўрт йиллик бошқаруви давомидаги кўрсаткичлардан ошиб кетди.
Трамп лавозимга киришганидан бери бензиннинг ўртача чакана нархи 1 галлон (3,78 литр) учун 3,472 долларни (1 литр учун 0,92 доллар) ташкил этди, Байден даврида эса бу кўрсаткич 3,471 долларга тенг бўлган эди.
Америка ёқилғи қуйиш шохобчаларидаги ҳозирги нархлар эса бир-биридан кескин фарқ қилади. ААА маълумотларига кўра, бутун мамлакат бўйлаб ўртача нарх бир галлон учун 4,266 долларни ташкил этади; энг қиммат бензин АҚŞ ғарбидаги Калифорнияда (5,996 доллар), энг арзони эса шарқда — Шимолий Каролинада (3,463 доллар) сотилмоқда.
Трамп даврида дизелнинг ўртача нархи Байден давридаги кўрсаткичлардан бундан ҳам олдинроқ ошиб кетган эди ва ҳозирда бир галлон учун 4,343 долларни ташкил этмоқда, аввалги президент даврида эса бу кўрсаткич 4,078 долларга тенг бўлган. Жорий нархлар эса ўртача кўрсаткичлардан бир ярим баравар юқори: бир ой олдин АҚŞ ёқилғи қуйиш шохобчаларида дизел ёқилғиси нархи бир галлон учун рекорд даражадаги 6,523 долларга етган эди.
2022-йилда Россиянинг Украинага бостириб кириши туфайли энергетика инқирози юзага келган бўлса-да, Байден даврида ёқилғи нархи бу йилгидек ошмаган эди. Хом нефт кескин қимматлашганига қарамай, бензин ва дизел ишлаб чиқариш ҳамда етказиб беришга ҳеч нарса тўсқинлик қилмади. Ҳатто Европа Иттифоқи ҳам Россия ёқилғиси импортига эмбаргони фақатгина 2023-йил февралидан бошлаб жорий этди.
2026-йилда эса, аксинча, АҚŞ ва Исроилнинг Эронга қарши уруши ҳамда Эрон томонидан Ҳормуз бўғозининг ёпиб қўйилишига қарамай, хом нефт нархи унчалик кескин ошмади. Бироқ Яқин Шарқ мамлакатларидан нефт маҳсулотлари экспортининг тўхтатилиши жаҳон бозорида уларнинг нархи кескин кўтарилиб кетишига олиб келди.
Ёқилғи қимматлиги АҚŞ Конгрессига бўлиб ўтадиган оралиқ сайловлар арафасида асосий мавзулардан бирига айланди. Бир ҳамла билан Эронни енга олмаган Трамп энди урушни қандай тугатишни билмаяпти, нархларни пасайтириш учун эса Россиядан дизел сотиб олишга келишди. Бу қарор Конгресс 2022-йилда қабул қилган Россия энергия ресурсларига эмбарго қўйиш тўғрисидаги қонунга зид келади. Шу боис Трампнинг қарори ҳар икки партия вакиллари ва экспертлар томонидан кескин танқидларга учради — устига-устак, бу чора Америка бозорида дизел нархини пасайтиришга қодир эмас.