Трамп баъзи нашрларнинг Оқ уйга киришини чеклагач, етакчи телеканаллар президент тадбирларини бойкот қилди. Нималар маълум?
Трамп СНН, МС НОВ ва Политисўнинг Оқ уйга киришини тақиқлагач, улар судга даъво киритди. АҚШнинг йирик телетармоқлари ҳамкасблари билан бирдамлик кўрсатиб, президент тадбирларини ёритишдан бош тортди. Шундан сўнг Оқ уй кечаю кундуз ишлайдиган Трумп ТВ трансляциясини ишга туширди.
Трамп айрим нашрларнинг Оқ уйга киришини чеклагач, йирик телеканаллар президент тадбирларини бойкот қилди. Нималар маълум?
СНН ва МС НОВ телеканаллари ҳамда Политисо нашри Доналд Трамп томонидан уларнинг мухбирларига Оқ уйга кириш тақиқлангани ортидан аккредитацияни қайта тиклашни сўраб судга даъво аризаси топширди.
Бу шошилинч илтимоснома Колумбия округи (Вашингтон) федерал суди судяси томонидан кўриб чиқилиши режалаштирилган бўлиб, суд мажлислари ва маъмуриятнинг ҳуқуқий важлари шу ҳафтанинг ўзидаёқ тингланиши мумкин.
Даъво аризасида Трампнинг бу қарори АҚШ Конституциясига киритилган Биринчи тузатиш ҳамда тегишли ҳуқуқий жараён кафолатларини бузаётгани айтилади. Мазкур ҳуқуқий тамойилга кўра, давлат расман белгиланган ва адолатли юридик тартиб-қоидаларга амал қилмасдан, фуқаро ёки ташкилотни ўз ҳуқуқлари, имтиёзлари ёхуд мулкидан ўзбошимчалик билан маҳрум қила олмайди.
“Оқ уй ҳеч қандай огоҳлантиришсиз ёки қонуний жараёнларсиз, шунчаки бизнинг репортажларимиз маъқул келмагани сабабли журналистларимизнинг аккредитациясини бекор қилди. Агар бунга қаршилик кўрсатилмаса, мазкур ҳолат матбуот эркинлигига ҳамда жамоатчиликнинг ҳукумат аралашувидан холи бўлган мустақил журналистикадан баҳраманд бўлиш ҳуқуқига таҳдид солади”, — дея қайд этди таҳририятлар.
Шу билан бирга, СНН билан бирга Оқ уйнинг телевизион пулига кирувчи Американинг тўртта энг йирик телетармоғи ичкарига қўйилмаган ҳамкасблари ўрнига ишлашдан бирдамлик белгиси сифатида бош тортди. Натижада бешала телеканал — АБС, СБС, НБС, Фох Невс, СНН — бирлашиб, қўшма баёнот чиқарди.
“Жамоатчилик ўз ҳукумати ҳақида аниқ ва холис ахборот олишдан жуда ҳам манфаатдор. Ҳеч бир маъмурият ахборот ташкилоти фаолиятини шунчаки унинг репортажлари маъқул келмагани сабаблигина чеклаб қўймаслиги керак”, — дейилади баёнотда.
Фох Невс телеканалининг Вашингтондаги бюроси раҳбари ва пулнинг амалдаги раиси Браян Ботон ўз мактубида бу қарор журналистлар иштироки кўзда тутилган Трамп қатнашадиган тадбирларни умумий телевизион пул ёритмаслигини англатишини ёзди.
“Ушбу қарор Оқ уйнинг СНН телеканалига пул доирасидаги режали мажбуриятларини бажаришга тўсқинлик қилган позицияси туфайли қабул қилинди. Пул таркибидан ўринбосар гуруҳ тайинланмайди”, — деб ёзди Ботон.
Тушунтириш: Кўп йиллик келишувга биноан, бешта энг йирик телетармоқ президент тадбирларини навбатма-навбат тасвирга олади ва тайёр материалларни ҳам бир-бирига, ҳам қолган барча журналистлар жамоасига тақдим этади. Ҳар куни ушбу беш каналдан бири “асосий телевизион гуруҳ” сифатида масъул бўлади — яъни тасвирчи, овоз режиссёри ҳамда продюсер ёки мухбир ажратади.
Эслатиб ўтамиз, 18-сентабр куни Доналд Трамп СНН, МС НОВ ва Политисо нашрлари “доимий равишда фейк тарқатиб келаётгани сабабли” уларнинг Оқ уйга киришини тақиқлашини эълон қилганди.
Эртаси куниёқ ҳар учала нашр мухбирлари Оқ уй мажмуаси ҳудудига киритилмади.
Режали ротацияга кўра, СНН душанба, 21-сентабр куни “асосий пул” телеканали сифатида навбатчилик қилиши керак эди. Бироқ Оқ уйнинг душанба кунги матбуот тадбирлари жадвалида бирорта ҳам телеканал асосий сифатида кўрсатилмаган.
Телевизион пулнинг бойкоти сабабли Трамп Оқ уйнинг янги вертолёт майдончаси очилиш маросимини овозсиз ўтказди. Бундан ташқари, Оқ уй телеканалларнинг бойкотига жавобан АҚШ президенти ҳақидаги кечаю кундуз ишлайдиган Трумп ТВ трансляциясини ишга туширди.