Тоҷикистон Ўзбекистонга қарши футзал ўйинлари учун таркибни эълон қилди
Футзал бўйича Тожикистон терма жамоаси 8 ва 10 ноябрь кунлари Тошкентда Ўзбекистонга қарши бўлиб ўтадиган ўртоқлик ўйинларига 14 нафар футболчини чақирди.
Тожикистон футзал бўйича Ўзбекистонга қарши ўйинлар учун таркибни эълон қилди
Футзал бўйича Тожикистон терма жамоаси 8 ва 10 ноябрь кунлари Тошкентда Ўзбекистон терма жамоасига қарши ўтказиладиган иккита ўртоқлик учрашуви учун қайдномани эълон қилди.
Тожикистон жамоаси бош мураббийи Пайрав Воҳидов бўлажак ўйинлар учун қайдномага 14 нафар футболчини — икки нафар дарвозабон ва 12 нафар майдон ўйинчисини киритди.
Дарвозабонлар позициясини «Сипар»дан Фируз Бекмуродов ва «Соро компания»дан Нуриддин Жабборов эгаллайди.
Майдон ўйинчилари орасидан таркибга Муҳаммад Шарипов («Сипар»), Дилшод Саломов, Умед Қўзиев, Баҳодур Хожаев ва Муҳаммад Афғонов («Истиқлол»), Насратшо Исмоилов, Некруз Идиев ва Амирджон Раҳимов (ЦСКА), Самандар Ризомов ва Муҳаммад Ражабов («Соро компания»), Сиёвуш Қаюмов («Амонатбанк») ҳамда Хусрав Холиқназаров («Сомон») кирди.
Баҳодир Аҳмедов бошчилигидаги Ўзбекистон терма жамоаси ҳам ушбу учрашувларга тайёргарлик кўрмоқда. Жамоанинг машғулот жараёни Ўзбекистон футбол ассоциацияси Терма жамоалар марказида бўлиб ўтмоқда.
Хар иккала терма жамоа ноябрь ойидаги ўйинларни 2028 йилги футзал бўйича Осиё кубоги саралаш босқичига тайёргарлик доирасида FIFA халқаро календарига мувофиқ ўтказмоқда.